હળવદ
હળવદ તાલુકાના ચાડધ્રા નજીક બાહણી નદીમાં બેફામ રેતી ચોરી કરતા ખનિજ ચોરો પર સ્ટેટ મોનિટરીંગ સેલની ટીમે દરોડો પાડતા ખનીજ માફીયાઓમાં દોડધામ મચી જવા પામી હતી. ૧૦ જેટલા હિટાચી મશીન અને ૧૩ જેટલા ડમ્પર,૧૩ બોટ, ૦૧ડોજર મશીન,૦૧ ટ્રેકટર,૦૧ બોલેરો,૨૫ મોટરસાયકલ સહિત કરોડોનો મુદામાલ કબજે કરી ૨૫ આરોપીઓની સ્થળ પરથી ધરપકડ કરતાં રેતી માફિયાઓમાં ફફડાટ મચી જવા પામ્યો હતો. હળવદ પંથકમાં બ્રાહ્મણી નદી રેતીના માફિયાઓ માટે સ્વર્ગ માનવામાં આવે છે. હળવદ પંથકમાં શનિવારે રાત્રે ૮.૩૦ વાગ્યાની આસપાસ સ્ટેટ મોનિટરીંગ સેલની ટિમો ત્રાટકી હતી અને ચાડધ્રા નજીકથી નદીમાંથી રેતી ચોરી કરતા સાત જેટલા હિટાચી મશીન અને ૧૫ ડમ્પર સહિતના અન્ય વાહનો સહિત કરોડો રૂપિયાનો મુદ્દામાલ કબ્જે કર્યો છે. જેમાં જાણવા મળતી વિગતો મુજબ હળવદ પંથકમાં વર્ષોથી સફેદ સોના સમાન રેતીની બેફામ ખનીજ ચોરી કરવામાં આવી રહી છે ત્યારે સ્થાનિક તંત્ર દ્વારા અવાર નવાર દરોડા પાડવા છતાં રેત માફિયાઓ દ્વારા વોટ્સએપ ગ્રુપમાં ઓડિયો મેસેજ અને જિલ્લા સેવાસદનમાં ખાણ ખાણીજ વિભાગની ટીમો ઉપર વોચ ગોઠવી ઊલટા ચોર કોટવાલકો દાંટે ઉક્તિ મુજબ ખુલ્લે આમ બેફામ ખનીજ ચોરી કરવામાં આવે છે. ત્યારે શનિવારે સ્ટેટ મોનીટરીંગ સેલ દ્વારા આ રેત માફિયાઓ ઉપર સપાટો બોલાવતા ખનીજ માફીયાઓમાં દોડધામ મચી જવા પામી હતી. સ્ટેટ મોનિટરીંગ સેલ દ્વારા રાત્રિના હળવદ તાલુકાના ચાડધ્રા નજીક બાહણી નદીમાં દરોડા પાડતા નદીમાં કોતરમાં રેતી ચોરી કરતા સાત જેટલા હિટાચી મશીન અને ૧૫ જેટલા ડમ્પર જપ્ત કરતાં રેત માફિયાઓમાં ફફડાટ મચી જવા પામ્યો હતો. હળવદ પંથકમાં રેતીચોરીનું મોટું નેટવર્ક ઝડપી પાડ્યું હતું. ત્યારે હળવદ પંથકમાં વર્ષોથી ઘુડખર અભયારણ્યમા ઘૂસણખોરી કરી કરવામાં આવતી રેતી ચોરી મામલે સપાટો બોલાવતા હાલ તરત તો રેતમાફિયાઓમાં સન્નાટો વ્યાપી ગયો હોવાનું સૂત્રો જણાવી રહ્યા છે. આ કામગીરી સ્ટેટ મોનિટરીંગ સેલના એસપી નિર્લિપ્ત રાયની સુચનાથી એસ.એન.પરમાર અને સ્ટાફ એસ આર પી જવાનો સાથે રાખી દરોડા પાડયા હતા. તમામ જપ્ત કરેલા વાહનો પોલીસને સુપરત કરવામાં આવ્યા હતા.આગળની કાર્યવાહી હાથ ધરવામાં આવી છે. ઉલ્લેખનીય છે કે, આ ખનિજ ચોરો એટલી હદે બેફામ છે કે, તેઓએ પોતાના મોબાઈલમાં વોટ્સ એપ ગ્રુપ બનાવ્યા છે. જેમાં જિલ્લાના અધિકારીઓની જાસૂસીથી લઇ રાજ્યના તમામ ખનિજને લગતા અધિકારીઓની આવવા જવાની અને વાહનોની માહિતી પણ મોકલવામાં આવે છે એટલું જ નહિ જે સમયે ખાસ ડ્રાઇવ કે ચેકીંગ હોય ત્યારે આ વોટ્સ એપ ગ્રુપના માધ્યમથી તમામ ખનિજ માફિયાઓને એલર્ટ કરી દેવામાં આવે છે. જાેકે આ આવડી મોટી ખનિજ ચોરી ખનિજ વિભાગને કેમ નાં દેખાઈ એ પણ મોટો સવાલ છે. ત્રણ વર્ષ પહેલાં એક અધિકારીએ પોતાની સરકારી કાર ને અમુક ખાનગી ગાડીઓ રેકી કરતી હોવાની ફરિયાદ પણ જિલ્લા પોલીસ વડાને કરાઈ હતી એટલું જ નહિ એસપીને જ્યારે ભૂસ્તર શાસ્ત્રી પોતાની રેકીની ફરિયાદ કરવા ગયેલા ત્યારે પણ આ ગાડીઓ પાછળ પાછળ ગઈ હતી. જેમાં પોલીસે તે સમયે પાછળ આવેલી ગાડીઓ સામે કાર્યવાહી કરી હતી ત્યારે આવા ખનીજચોરી કરતા ખનિજ માફીયાઓ સામે મોરબી ખાનીજવિભગ કિન્નાખોરી કેમ દાખવતું હતું એ પણ એક મોટો સવાલ છે. હાલ સ્ટેટ મોનિટરીંગ સેલે દરોડા પાડી ખનિજ માફીયાઓને દોડતા કરી દીધા છે. ખનિજ વિભાગને સ્ટેટ મોનિટરીંગ સેલની કાર્યવાહીની ખબર પડતાં અન્ય જગ્યાએ રેડ કરી હોવાની ચર્ચાહળવદ ખાતે સાંજે ૮.૩૦ વાગ્યે સ્ટેટ મોનિટરીંગ સેલનાં દરોડાનાં મેસેજ અધિકારીઓની રેકી કરતા ગ્રુપમાં વાયરલ થતાં જ ખનિજ વિભાગ સુધી પણ પહોંચી ગયા હતા અને ખનીજ વિભાગે તાબડતોબ કામગીરી કરવા સુંદરી ભવાની નજીક દરોડા પાડી ત્રણ કરોડનાં મુદામાલ સાથેની ખનીજચોરી પકડી પાડી હતી. જાેકે, આ કામગીરી પોતાના બચાવ માટે કરી હોવાની ચર્ચાઓ પણ જાેરશોરથી ફરવા માંડી છે. ત્યારે હાલ આગામી સમયમાં આ ખનીજચોરી કરી નદીઓને નુકશાન કરતા માફીયાઓ પર ક્યાં આકાઓના હાથ છે તે તપાસમાં ખુલશે.
