છોટાઉદેપુર જિલ્લાના કરાલી ખાતે જિલ્લા પોલીસ દ્વારા ઝડપી પાડવાના આવેલા રૂ. 2 કરોડ 39 લાખ 64 હજાર 921નો વિદેશી દારૂનો નાશ કરવામાં આવ્યો હતો છોટાઉદેપુર જિલ્લાના કરાલી પોલીસ મથકની સામેના ગ્રાઉન્ડમાં આજરોજ જિલ્લા પોલીસ દ્વારા ઝડપી પાડવામાં આવેલા વિદેશી દારૂનો નાશ કરવાની કાર્યવાહી હાથ ધરાઇ હતી. આજરોજ કરવામાં આવેલી કાર્યવાહીમાં સબ ડિવિઝનલ મેજિસ્ટ્રેટ, છોટાઉદેપુર, સબ ડિવિઝનલ મેજિસ્ટ્રેટ, બોડેલી તેમજ નાયબ પોલીસ અધિક્ષકની હાજરીમાં જિલ્લાના વિવિધ પોલીસ મથકમાં કુલ 1411 ગુનામાં ઝડપાયેલા 1,23,754 નંગ વિદેશી દારૂ રૂ. 2,39,64,921ની કિંમતનો એક જગ્યાએ ભેગો કરી તેની ગણતરી કરવામાં આવી હતી અને તે અંગેની કાગઝી કાર્યવાહી કર્યા બાદ આ વિદેશી દારૂની બોટલ પર રોલર અને બુલડોઝર ફેરવી દેવામાં આવ્યું હતું. તમામ વિદેશી દારૂની બોટલોનો નાશ કરવામાં આવ્યો હતો.
રિપોર્ટર રેહાન પટેલ છોટાઉદેપુર
