નવીદિલ્હી
આઇસીસી મેન્સ ક્રિકેટ વર્લ્ડ કપ ૨૦૨૩ નો આગાજ ૫ ઓક્ટોબરથી થઈ રહ્યો છે. આ પ્રતિષ્ઠિત ટૂર્નામેન્ટની પ્રથમ મેચ ઇંગ્લેન્ડ અને ન્યુઝીલેન્ડ વચ્ચે નરેન્દ્ર મોદી સ્ટેડિયમમાં રમાશે. ત્યાં જ વર્લ્ડ કપની ૪૫મી મેચમાં ૧૨ નવેમ્બરે પાકિસ્તાનની ટક્કર ઈંગ્લેન્ડ ક્રિકેટ ટીમ સાથે થશે. બંને ટીમો વચ્ચેની આ ઐતિહાસિક મેચ કોલકાતાના ઈડન ગાર્ડન્સ સ્ટેડિયમમાં રમાશે. કોલકાતા પોલીસે મેચ પહેલા સુરક્ષા વ્યવસ્થાને લઈને મોટું નિવેદન આપ્યું છે. બંગાળ ક્રિકેટ એસોસિએશન સાથેની વાતચીતમાં પોલીસે કહ્યું કે ૧૨ નવેમ્બરે પાકિસ્તાન અને ઈંગ્લેન્ડ વચ્ચેની મેચ સુરક્ષાની દ્રષ્ટિએ એક મહત્વપૂર્ણ મુદ્દો છે. પીટીઆઈના સમાચાર અનુસાર, કોલકાતા પોલીસે બંગાળ ક્રિકેટ એસોસિએશન સાથે સુરક્ષા વ્યવસ્થાને લઈને પોતાના વિચારો શેર કરતા કહ્યું કે આ એક મોટો મુદ્દો બની શકે છે. ખરેખરમાં ૧૨ નવેમ્બરે જ બંગાળમાં કાલી પૂજા ધામધૂમથી ઉજવવામાં આવશે. આવી સ્થિતિમાં મેચની સાથે સાથે રાજ્યમાં શાંતિ અને વ્યવસ્થા જાળવવી ખૂબ જ પડકારજનક સાબિત થઈ શકે છે. બીજી તરફ જાે મ્ઝ્રઝ્રૈં અને ૈંઝ્રઝ્ર તારીખમાં બીજાે ફેરફાર કરે છે તો તે પાકિસ્તાનના કાર્યક્રમમાં ત્રીજાે ફેરફાર હશે. આ પહેલા વર્લ્ડ કપ ૨૦૨૩માં ભારત અને પાકિસ્તાન વચ્ચે ૧૫ ઓક્ટોબરે અમદાવાદમાં મેચ રમાવાની હતી. જ્યારે શ્રીલંકા અને પાકિસ્તાનની મેચ ૧૨ ઓક્ટોબરે રમાવાની હતી પરંતુ દેશમાં તહેવારોની સિઝનને ધ્યાનમાં રાખીને હવે ભારત અને પાકિસ્તાનની મેચ ૧૪ ઓક્ટોબરે રમાશે. અને શ્રીલંકા અને પાકિસ્તાન વચ્ચે ૧૦ ઓક્ટોબરે મેચ રમાશે.
