ઈમરાન ખાનના નજીકના પૂર્વ મંત્રી શેખ રાશિદની ધરપકડ કરાઈ
પાકિસ્તાનના પૂર્વ ગૃહમંત્રી શેખ રાશિદની રવિવારે રાવલપિંડીમાં તેમના નિવાસસ્થાનેથી ધરપકડ કરવામાં આવી હતી. પૂર્વ મંત્રીની સાથે તેના બે સહયોગીઓની પણ ધરપકડ કરવામાં આવી છે. આ પછી આ લોકોને ક્યાં લઈ જવામાં આવ્યા તેની કોઈ માહિતી નથી. તમને જણાવી દઈએ કે આ કાર્યવાહી સાદા કપડામાં આવેલા લોકોએ કરી હતી. આ વર્ષની શરૂઆતમાં જૂન મહિનામાં શેખ રશીદે આરોપ લગાવ્યો હતો કે ઈસ્લામાબાદ પોલીસે તેમના ઘરમાં ઘુસીને તેમના નોકરોને માર માર્યો હતો.
પાકિસ્તાની સત્તાવાળાઓએ રવિવારે ભ્રષ્ટાચારમાં કથિત સંડોવણી બદલ ભૂતપૂર્વ વડા પ્રધાન ઈમરાન ખાનના મુખ્ય સહયોગી અવામી મુસ્લિમ લીગના નેતા શેખ રાશિદની ધરપકડ કરી હતી. તેમના ભત્રીજા શેખ રાશિદ શફીકે એક વીડિયો સંદેશમાં જણાવ્યું હતું કે ૭૨ વર્ષના રશીદ અને તેના બે સાથીઓની રાવલપિંડીના બહરિયા શહેરમાં તેમના નિવાસસ્થાનથી ધરપકડ કરવામાં આવી હતી અને તેમને અજ્ઞાત સ્થળે લઈ જવામાં આવ્યા હતા. શેખ શફીકે કહ્યું કે હું સુપ્રિમ કોર્ટને વિનંતી કરું છું કે વરિષ્ઠ રાજકારણીની ધરપકડ પર ધ્યાન આપે કારણ કે તે કોઈપણ કેસમાં વોન્ટેડ નથી. તેમણે કહ્યું કે તેના મોટા ભાઈ અને એક નોકરની પણ પોલીસે ધરપકડ કરી છે. રાશિદ સામેના આરોપોની વિગતો હજુ જાહેર કરવામાં આવી નથી.
છસ્ન્ પાર્ટીના વડા રશીદ ભૂતપૂર્વ વડા પ્રધાન ઈમરાન ખાનના કટ્ટર સાથી હતા અને તેમની સરકાર દરમિયાન આંતરિક પ્રધાન તરીકે નિમણૂક કરવામાં આવી હતી. સોશિયલ મીડિયા પ્લેટફોર્મ ઠ (અગાઉનું ટિ્વટર) પર એક ટિ્વટમાં ખાનની પાકિસ્તાન તહરીક-એ-ઈન્સાફે રાશિદની ધરપકડની નિંદા કરી હતી. તેમાં કહેવામાં આવ્યું છે કે આ વખતે શેખ રાશિદની ધરપકડ સાથે ‘રાજકીય દમન અને ફાસીવાદ ચાલુ છે’. મીડિયા અહેવાલો અનુસાર, રશીદની ધરપકડ ૯ મેના રોજ પીટીઆઈ કાર્યકર્તાઓ દ્વારા હિંસા પછી શરૂ કરાયેલી કાર્યવાહીનો એક ભાગ હોવાનું જણાય છે, જેમાં કોર્પ્સ કમાન્ડર લાહોરના સત્તાવાર નિવાસસ્થાન સહિત અનેક રાજ્યની ઇમારતોને આગ લગાડવામાં આવી હતી. આ વર્ષની શરૂઆતમાં, છસ્ન્ નેતાએ આરોપ લગાવ્યો હતો કે ઇસ્લામાબાદ પોલીસે તેના ઘરમાં ઘૂસીને તેના નોકરોને માર માર્યો હતો. તેણે એવો પણ દાવો કર્યો હતો કે અન્ય એક ઘટનામાં, રાવલપિંડીમાં તેના લાલ હવેલીના નિવાસસ્થાને સાદા કપડા પહેરેલા દળોએ તેના સ્ટાફને ત્રાસ આપ્યો હતો.
