નવીદિલ્હી
ફોક્સકોન ટૂંક સમયમાં ભારતીય ઈલેક્ટ્રોનિક માર્કેટમાં પ્રવેશ કરી શકે છે. એપલના આઈફોન બનાવવા માટે જાણીતી ફોક્સકોન કંપની ટૂંક સમયમાં ભારતના ઈલેક્ટ્રોનિક વાહનોના માર્કેટમાં પણ પ્રવેશ કરી શકે છે. આ માટે કંપનીએ સંપૂર્ણ પ્લાન બનાવી લીધો છે. તમને જણાવી દઈએ કે, તાઈવાનની દિગ્ગજ ઇલેક્ટ્રિક કંપની ફોક્સકોન આઈફોન પછી ભારતમાં ઈલેક્ટ્રોનિક વાહનો બનાવવા પર વિચાર કરી રહી છે. જે અંતર્ગત ફોક્સકોન ભારતમાં રોકાણનો માર્ગ શોધી રહી છે. તેમના તાજેતરના વાર્ષિક અહેવાલમાં, કંપનીએ જણાવ્યું હતું કે તેઓ દેશની મદદથી આ વર્ષે ભારતમાં વધુ એક ઉત્પાદન કરવા જઈ રહ્યા છે. કંપની ટુ વ્હીલર વાહનનું ઉત્પાદન શરૂ કરવા જઈ રહી છે. આ સાથે, તે દક્ષિણપૂર્વ એશિયામાં ૨ વ્હીલર માર્કેટને આવરી લેશે. ઈકોનોમિક ટાઈમ્સના અહેવાલ મુજબ, ફોક્સકોન ગ્રુપે ફોન સિવાયના અન્ય ક્ષેત્રોમાં ગ્રાહકો માટે ઉત્પાદનમાં રસ દર્શાવ્યો છે. જે અંતર્ગત હવે કંપની વિયેતનામ અને ઈન્ડોનેશિયા જેવા દક્ષિણપૂર્વ એશિયા સાથે મળીને ભારતમાં ઈલેક્ટ્રોનિક વાહનોનું ઉત્પાદન શરૂ કરવાનું વિચારી રહી છે. જાે બધું યોજના મુજબ ચાલે છે, તો તે અહીં ઈલેક્ટ્રોનિક વાહન કેન્દ્ર સ્થાપિત કરી શકે છે. આ માટે કંપનીએ ઈલેક્ટ્રિક વાહનોની સહાયક કંપની ફોક્સટ્રોન સાથે પણ વાતચીત કરી છે.આ સિવાય કંપનીએ ઈલેક્ટ્રિક સ્કૂટર બનાવતી કંપની એથર એનર્જી સાથે પણ વાત કરી છે. ફોન નિર્માતા કંપની ફોક્સકોનને નવા સેગમેન્ટમાં આવવા માટે પહેલાથી જ સંપૂર્ણ તૈયારી કરી લીધી છે. ગયા વર્ષે જ, કંપનીએ ઇલેક્ટ્રિક વાહન બજારમાં ઉત્પાદન શરૂ કરવા માટે યુએસમાં ફેક્ટરી જગ્યા ખરીદી હતી. બાદમાં, હાઇબ્રિડ ઈ.વી. બ્રાન્ડ પણ ફિસ્કરના પ્લાન્ટનો ઉપયોગ કરશે. દરમિયાન, ચાર રાજ્યો મહારાષ્ટ્ર, તેલંગાણા, તમિલનાડુ અને આંધ્રપ્રદેશના અધિકારીઓએ ઈફ ઉત્પાદન અંગે ચર્ચા કરવા માટે ગયા વર્ષે ફોક્સકોનના ટોચના અધિકારીઓને મળ્યા હતા.
