પાકિસ્તાની નહીં ભારતીય ક્રિકેટર છે સીમા હૈદરનો ફેવરિટ

નવીદિલ્હી
પાકિસ્તાનથી પોતાના ચાર બાળકો સાથે ભારત આવેલી સીમા હૈદરનો કિસ્સો સતત ચર્ચામાં રહે છે. ગૌતમ બુદ્ધ નગરના રાબુપુરામાં સચિન મીના સાથે રહેતી સીમા હૈદરે સમાચાર એજન્સીના મેનેજિંગ એડિટર સાથેની મુલાકાતમાં તમામ બાબતોનો જવાબ આપ્યો હતો. જ્યારે તેને ભારત અને પાકિસ્તાન વચ્ચે ક્રિકેટના જુસ્સા વિશે પૂછવામાં આવ્યું કે તેને કયો ક્રિકેટર પસંદ છે તો સીમાએ તેના ફેવરિટ ક્રિકેટરનું નામ પણ જાહેર કર્યું હતુ. સીમા આગળ કહે છે કે ‘મારા પર જે પ્રકારનો કાયદો લાદવામાં આવશે, તે પ્રમાણે હું મારું આખું જીવન આ ઘરમાં વિતાવીશ. જ્યારે તેણીને પૂછવામાં આવ્યું કે યુટ્યુબ પર એવું કહેવામાં આવી રહ્યું છે કે તમે અહીં વર્લ્ડ કપ જાેવા આવ્યા છો, તો સીમાએ જવાબ આપ્યો કે ‘આ જૂઠ છે, તદ્દન બકવાસ છે’.
તેણે કહ્યું, ‘જ્યારે મારા ગુમ થવાની વાત આવી, જ્યારે મારી બહેનોએ રિપોર્ટ લખાવ્યો ત્યારે હૈદર શું કરી રહ્યો હતો? તમે મને શોધવા કેમ ન ગયા? તેણે ક્યારેય પ્રયાસ કર્યો નથી. જાે તે આટલો સારો હોત, તો હું કદાચ અહીં ન હોત. જ્યારે સમાચાર એજન્સીના મેનેજિંગ એડિટરે સીમા હૈદરને પૂછ્યું કે તમને કયો ક્રિકેટર ગમે છે, તો તેણે જવાબ આપ્યો કે ‘મને વિરાટ કોહલી ગમે છે’. તેણીએ વધુમાં કહ્યું કે તે ભારત અને પાકિસ્તાન વચ્ચેની ભારત-પાકિસ્તાન ક્રિકેટ મેચને લઈને ઉત્સાહિત છે અને કહે છે કે જ્યારે પાકિસ્તાન જીતશે ત્યારે પણ હું લાડુ વહેંચીશ અને જ્યારે ભારત જીતશે ત્યારે હું લાડુ વહેંચીશ. સીમા હૈદરે કહ્યું કે હું ત્રણ દીકરીઓની માતા છું. જાે બાળકો હૈદર પાસે જવા માંગતા હોય તો હું ખુશીથી મોકલીશ. મારા બાળકો મને માતા અને પિતા બંને માને છે. લોકોએ મને માતાના દૃષ્ટિકોણથી જ જાેવી જાેઈએ. તેઓ મારી જ દીકરીઓ છે. જાે હું પાકિસ્તાન જઈશ તો તેનું જીવન બગડી જશે. અમારા પર કોઈપણ કાયદો લાવો, પણ અમને પાછા ન મોકલો.