સરદાર પટેલના કારણે તેલંગાણાને નિઝામ અત્યાચારી શાસનથી આઝાદી મળી : અમિત શાહ
તેલંગાણાના સિકંદરાબાદમાં કેન્દ્રીય ગૃહ પ્રધાન અમિત શાહે રાજ્યની વર્તમાન સરકાર અને કોંગ્રેસ પાર્ટી પર આકરા પ્રહારો કર્યા હતા. તેમણે કહ્યું કે જે લોકો તેલંગાણાના ઇતિહાસને ખોટી રીતે રજૂ કરવાનો પ્રયાસ કરી રહ્યા છે તેમને જનતા યોગ્ય પાઠ ભણાવશે. આ દરમિયાન કેન્દ્રીય મંત્રીએ સરદાર પટેલનું નિવેદન પણ દોહરાવ્યું હતું. તેમણે કહ્યું કે સરદાર પટેલ કહેતા હતા કે જાે તેલંગાણા આઝાદ નહીં થાય અને નિઝામના શાસનમાં રહેશે તો ભારત માતાના પેટમાં કેન્સર જેવું થશે.
અમિત શાહે તેલંગાણાના સિકંદરાબાદમાં પરેડ ગ્રાઉન્ડ ખાતે ૭૫માં હૈદરાબાદ મુક્તિ દિવસની ઉજવણીના સમાપન સમારોહમાં આ વાત કહી. આ કાર્યક્રમમાં અમિત શાહ મુખ્ય અતિથિ તરીકે હાજર રહ્યા હતા. સંસ્કૃતિ મંત્રાલય હેઠળ આયોજિત આ સમારોહમાં, તેમણે હૈદરાબાદ રાજ્યના મુક્તિ સંગ્રામમાં પોતાના જીવનનું બલિદાન આપનારા બહાદુર નાયકોને પણ શ્રદ્ધાંજલિ આપી હતી. અમિત શાહે કહ્યું કે જાે સરદાર પટેલ ન હોત તો તેલંગાણા આટલી જલ્દી આઝાદ ન થાત. તેમણે કહ્યું કે તેઓ દેશને એક કરવાના મિશનમાં પોલીસની દરેક કાર્યવાહીને સહન કરવા તૈયાર છે.
અમિત શાહે કહ્યું કે નિઝામો લોહીનું એક ટીપું પણ વહાવ્યા વિના આઝાદી માટે સંમત થયા – કેએમ મુનશીના નેતૃત્વમાં અને પટેલના આદેશ પર આ શક્ય બન્યું. અમિત શાહે કહ્યું કે આર્ય સમાજ, હિંદુ મહાસભા જેવા અનેક સંગઠનોએ તેલંગાણાની આઝાદીની ચળવળ માટે કામ કર્યું હતું. તેમણે કહ્યું કે ૭૫ વર્ષ સુધી દેશની કોઈપણ સરકારે આપણા યુવાનોને તેલંગાણાના સ્વાતંત્ર્ય સંગ્રામનો સાચો પાઠ ભણાવ્યો નથી. પરંતુ વડાપ્રધાન મોદીના વિઝનને કારણે આજે યુવાનોને આ સ્થળના સાંસ્કૃતિક ઈતિહાસ વિશે સાચી માહિતી મળવા લાગી છે. તેમણે કહ્યું કે સંસ્કૃતિ મંત્રાલયના આ કાર્યક્રમોનો હેતુ આપણા વડીલોના સંઘર્ષને સન્માન સાથે યાદ કરવાનો છે.
આ સંબોધન દરમિયાન અમિત શાહે વડાપ્રધાન મોદીને તેમના જન્મદિવસની શુભકામનાઓ પણ પાઠવી હતી. તેમણે કહ્યું કે વડાપ્રધાનના યોગદાનથી દેશ આજે વિશ્વની ૫મી સૌથી મોટી અર્થવ્યવસ્થા બની ગયો છે. તેમણે કહ્યું કે વિશ્વએ જી૨૦ દ્વારા ભારતની કાર્યક્ષમતા જાેઈ છે. દુનિયા ભારતની ચાહક બની ગઈ છે. આ સમયગાળા દરમિયાન કેન્દ્રીય મંત્રી અમિત શાહે સશસ્ત્ર દળોના અધિકારીઓના રહેણાંક સંકુલનું પણ ઉદ્ઘાટન કર્યું હતું. તેલંગાણા મુક્તિ દિવસ પર, તેમણે તેલંગાણાની સંસ્કૃતિને પ્રતિબિંબિત કરવા માટે બોલારામમાં રાષ્ટ્રપતિ ભવનમાં આયોજિત પ્રદર્શનનું વર્ચ્યુઅલ રીતે ઉદ્ઘાટન પણ કર્યું. આ દરમિયાન કેન્દ્રીય પર્યટન મંત્રી જી કિશન રેડ્ડીએ કોંગ્રેસ પાર્ટી પર નિશાન સાધ્યું હતું.
તેમણે કહ્યું કે કોંગ્રેસ પાર્ટીએ તેલંગાણાના સંઘર્ષ અને પ્રેરણાના ઈતિહાસને નષ્ટ કરવાનો પ્રયાસ કર્યો. તેલંગાણાના લોકો આને માફ નહીં કરે. તેમણે કહ્યું કે, રાજ્યની વર્તમાન સરકાર ઇતિહાસને લોકોની સ્મૃતિમાંથી ભૂંસી નાખવાનો પ્રયાસ કરી રહી છે, પરંતુ કેન્દ્ર સરકાર આવા ઉત્સવોનું આયોજન કરીને ઇતિહાસને તમામ લોકો સુધી પહોંચાડવાનો પ્રયાસ કરી રહી છે.
