મકસુદ કારીગર,ખેડા-કઠલાલ
સરકારી વિનયન અને વાણિજય કોલેજ, કઠલાલના રાષ્ટ્રીય સેવા યોજના વિભાગ દ્વારા કઠલાલ તાલુકાના અનારા ગામ ખાતે આયોજિત ગ્રામ શિબિર અંતર્ગત ગામમાં સ્વચ્છતા ત્યાં પ્રભુતાના નાદ સાથે પ્રભાતફેરી નીકળવામાં આવી હતી. ત્યારબાદ બ્રહ્માકુમારી કેન્દ્ર, કઠલાલ ખાતેથી હર્ષાબેન દ્વારા એકાગ્રતા અંગે સમજ આપી સ્ટ્રેસ મેનેજમેન્ટ અને માનવજીવનમાં ધ્યાનના મહત્વ અંગે રજૂઆત કરાઈ હતી. ત્યારબાદ સમગ્ર ગામના રહીશો માટે મફત મેડિકલ ચેક અપ કેમ્પ તેમજ રેડક્રોસના સહયોગથી બ્લડ ડોનેશન કેમ્પનું આયોજન કરવામાં આવેલ. શાળાના વિદ્યાર્થિઓ, NSS સ્વયં સેવકો તેમજ સમગ્ર ગ્રામજનોએ સરકારશની 108 તેમજ ફાયર બ્રિગેડ જેવી આકસ્મિક સુવિધાઓ વિશે માહિતી મેળવી તે અંગે પ્રત્યક્ષ નિદર્શન કર્યું હતું. વધુમા, માલવણ કોલેજના પ્રાધ્યાપક ડો. સત્યમ જોશી દ્વારા અંધશ્રદ્ધા નાબૂદી અંગેના કાર્યક્રમનું આયોજન કરાયું હતું. જે પરત્વે વિભિન્ન પ્રયોગો કે જેને આપણે ચમત્કાર સમજી બેસીએ છીએ તેની પાછળ રહેલા વિજ્ઞાનને સરળ રીતે વ્યક્ત કર્યું હતું. પ્રસ્તુત સમગ્ર કાર્યક્રમોનું સુચારૂ સંચાલન રાષ્ટ્રીય સેવા યોજનાના પ્રોગ્રામ ઓફિસર પ્રાધ્યાપક પરેશકુમાર એચ. પટેલ દ્વારા કરાયું હતું.
