અમદાવાદ
ૈંઁન્ ૨૦૨૩ ની ૫૧મી મેચમાં, નાના ભાઈ હાર્દિક પંડ્યાની ટીમ ગુજરાત ટાઇટન્સે મોટા કૃણાલ પંડ્યાની લખનૌ સુપર જાયન્ટ્સને ૫૬ રનથી હરાવ્યું. અમદાવાદના નરેન્દ્ર મોદી ક્રિકેટ સ્ટેડિયમમાં રમાયેલી મેચમાં ગુજરાતે લખનૌને ૨૨૮ રનનો ટાર્ગેટ આપ્યો હતો. પરંતુ, લખનૌની ટીમ ૭ વિકેટના નુકસાન પર માત્ર ૧૭૧ રન જ બનાવી શકી હતી. આ સિઝનમાં લખનૌ સામે ગુજરાતની આ બીજી જીત છે. અગાઉ, લખનૌમાં રમાયેલી લો સ્કોરિંગ મેચમાં ગુજરાતે યજમાન ટીમને ૭ રને હરાવ્યું હતું. આ જીત સાથે ગુજરાતે પોઈન્ટ ટેબલમાં પોતાનું સ્થાન મજબૂત કરી લીધું છે. ગુજરાતના હવે ૮ જીત સાથે ૧૬ પોઈન્ટ છે અને પ્લેઓફમાં ટીમનું સ્થાન લગભગ નિશ્ચિત થઈ ગયું છે. ૨૨૮ રનના લક્ષ્યાંકનો પીછો કરતા લખનૌ સુપર જાયન્ટ્સની શરૂઆત સારી રહી હતી. કેએલ રાહુલની ગેરહાજરીમાં ક્વિન્ટન ડિકોકે કાયલ માયર્સ સાથે ઇનિંગની શરૂઆત કરી હતી. ૈંઁન્ ૨૦૨૩ની આ ડિકોકની પ્રથમ મેચ હતી. તેને ૮ મેચ બાદ રમવાની તક મળી. ડિકોકે તેનો ભરપૂર ઉપયોગ કર્યો અને પાવરપ્લેમાં ચોગ્ગા અને છગ્ગાનો વરસાદ કર્યો. તેણે અને કાયલ માયર્સે પાવરપ્લેમાં એકપણ વિકેટ ગુમાવ્યા વિના ૭૨ રન ફટકાર્યા હતા. આઈપીએલમાં પાવરપ્લેમાં ટીમનો આ ત્રીજાે સૌથી મોટો સ્કોર છે. લખનૌ સુપર જાયન્ટ્સની ઇનિંગની ૯મી ઓવરમાં મોહિત શર્માએ માયર્સને આઉટ કરીને ખતરનાક જાેડી તોડી હતી. રાશિદ ખાને બાઉન્ડ્રી પર માયર્સનો શાનદાર કેચ લીધો હતો. મ્યર્સના આઉટ થયા બાદ લખનૌની રનની ગતિ બંધ થઈ ગઈ અને ટીમે આગામી ૪ ઓવરમાં માત્ર ૨૫ રન બનાવ્યા. આ દરમિયાન ડિકોકે તેના ૫૦ રન પૂરા કર્યા. જાેકે, લખનૌ ઓછા રન રેટને કારણે મુશ્કેલીનો સામનો કરવો પડ્યો અને ટીમ મેચ હારી ગઈ.
