મુંબઈ
શાહરૂખ ખાનની પઠાણમાં સલમાન ખાને કેમિયો કર્યો હતો અને તેનો સીન સોશિયલ મીડિયા પર ઘણો ટ્રેન્ડ થયો હતો. દરમિયાન હવે સમાચાર આવી રહ્યા છે કે સલમાન-શાહરુખના આ જ સીનને ટાઇગર ૩માં પણ રિપીટ કરવામાં આવશે. જણાવી દઈએ કે ફિલ્મનું બજેટ ૨૨૫ કરોડ છે. આટલું જ નહીં, ફિલ્મ ટાઈગર ૩ સાથે જાેડાયેલી ઘણી વધુ માહિતી સામે આવી છે, જેને સાંભળ્યા બાદ અંદાજ લગાવી શકાય છે કે મેકર્સ ટાઈગર ૩ને હિટ બનાવવા માટે જબરદસ્ત માઇન્ડ ગેમ રમવાના મૂડમાં છે. રિપોર્ટ્સનું માનીએ તો શાહરૂખ ખાન આ દિવસોમાં પોતાની આગામી ફિલ્મ જવાનના શૂટિંગમાં બિઝી છે. જાેકે તેણે સલમાન ખાન સાથે ટાઈગર ૩ની સિક્વન્સ માટે ૭ દિવસનો સમય આપ્યો છે. ટાઈગર ૩ ની નજીકના સોર્સે માહિતી આપી છે કે પઠાણના સીનનું પુનરાવર્તન ટાઈગર ૩ માં પણ થઈ શકે છે. જાે કે પઠાણની સફળતા બાદ ટાઈગર ૩માં તે સીન થોડો ફેરફાર કરીને રજૂ કરવાનો ર્નિણય લેવામાં આવ્યો છે. તમને જણાવી દઈએ કે ટાઈગર ૩ માટે પહેલાથી જ ઘણા શાનદાર સીન અને ડાયલોગ લખવામાં આવ્યા હતા, પરંતુ પઠાણની સફળતા પછી બધું જ બદલાઈ ગયું છે. હવે આ ફિલ્મમાં ફેન્સને કંઇક વધુ જ એક્સાઇટમેન્ટ જાેવા મળશે. આટલું જ નહીં, જાે રિપોર્ટ્સનું માનીએ તો ટાઈગર ૩ને ગ્રાન્ડ લેવલ પર રજૂ કરવા માટે, મેકર્સ ફેન્સને એક શાનદાર સરપ્રાઈઝ પણ આપવા જઈ રહ્યા છે. કહેવામાં આવી રહ્યું છે કે ફિલ્મમાં સલમાન-શાહરુખનો સ્ક્રીન ટાઈમ વધારવામાં આવ્યો છે. ફિલ્મ સાથે સંકળાયેલા એક સૂત્રનું કહેવું છે કે ટાઈગર ૩માં શાહરૂખ-સલમાને પઠાણમાં શેર કરેલી સ્ક્રીન કરતાં વધુ સ્ક્રીન સ્પેસ હશે. આ સાથે તેમાં કેટલાક વધુ મજેદાર સીન્સ પણ ઉમેરવામાં આવ્યા છે. અન્ય એક રિપોર્ટ સામે આવી રહ્યા છે કે ટાઈગર ૩ નું શૂટિંગ પૂર્ણ થઈ ગયું છે, પરંતુ મેકર્સ પઠાણના રિએક્શન્સની રાહ જાેઈ રહ્યા હતા, જેથી તે પછી જ સલમાન-શાહરુખ સાથે ક્લાઈમેક્સ શૂટ થઈ શકે. હવે બંને ખાન એપ્રિલમાં ક્લાઈમેક્સ શૂટ કરશે.
