મુંબઈ
શાહરૂખ ખાનની કમબેક ફિલ્મ ‘પઠાણ’ની સફળતા સાથે જ ડોન ૩ના આગમનના ભણકારા શરૂ થઈ ગયા હતા. ડોન સીક્વલની અગાઉની બંને ફિલ્મમાં શાહરૂખ ખાનના ખૂબ વખાણ થયા હતા.ડોન ૩માં કામ કરવા શાહરૂખ ખાન પોતે પણ ઉત્સુક હતા. જેના કારણે પ્રોડ્યુસર-ડાયરેક્ટર ફરહાન અખ્તરે સ્ક્રિપ્ટનું કામ શરૂ કર્યું હતું. શાહરૂખને ધ્યાને રાખીને તૈયાર થઈ રહેલી સ્ક્રિપ્ટમાં હવે શાહરૂખ પોતે જ નહીં હોવાનું જાણવા મળ્યું છે. રીસેન્ટ રિપોર્ટ્સ મુજબ, ડો ૩માં શાહરૂખ ખાન જાેવા નહીં મળે. તેના સ્થાને અન્ય કોઈ એ-ગ્રેડને લેવાની તૈયારીઓ ચાલી રહી છે. શાહરૂખ ખાને આ ફિલ્મની ઓફર ફગાવી દીધી છે. શાહરૂખ ખાને આ ફિલ્મ માટે ફરહાન અખ્તર અને રિતેશ સિધવાની સાથે સંખ્યાબંધ મુલાકાતો કરી હતી. કોરોના પહેલા અનેક આઈડિયા ડિસ્કસ થયા અને આખરે સ્ક્રિપ્ટિંગની શરૂઆત થઈ. સ્ક્રિપ્ટને આખરી ઓપ અપાઈ ગયો છે ત્યારે શાહરૂખ આ ફિલ્મમાં કામ કરવા તૈયાર નથી. શાહરૂખ ખાન હવે બોલિવૂડના બદલે ગ્લોબલ ઓડિયન્સને ધ્યાનમાં રાખીને ફિલ્મ કરવા માગે છે. તેમના આ માપદંડમાં ડોન ૩ ફિટ બેસતી નથી. શાહરૂખના ઈનકાર બાદ ફિલ્મના મેકર્સે અન્ય સ્ટાર્સનો સંપર્ક શરૂ કરી દીધો છે. અગાઉ પ્રોડક્શન હાઉસ સાથે કામ કરી ચૂક્યા હોય તેવા એ-ગ્રેડ સ્ટારને લીડ રોલમાં લેવાની મેકર્સની ઈચ્છા છે. શાહરૂખની જગ્યાએ લીડ રોલમાં કોની પસંદગી થાય છે તે જાેવુ રહ્યું.
