નેચરલ ગેસ, મેન્થા તેલના વાયદાઓમાં ઘટાડોઃ સપ્તાહ દરમિયાન કોમોડિટી વાયદાઓમાં રૂ.87,554 કરોડ અને ઓપ્શન્સમાં રૂ.1,05,175 કરોડનું ટર્નઓવરઃ બુલડેક્સ વાયદામાં રૂ.344 કરોડનાં કામકાજ
મુંબઈઃ દેશના અગ્રણી કોમોડિટી ડેરિવેટિવ્ઝ એક્સચેન્જ એમસીએક્સ પર વિવિધ કોમોડિટી વાયદા, ઓપ્શન્સ અને ઈન્ડેક્સ ફ્યુચર્સમાં 20 થી 25 જાન્યુઆરીના સપ્તાહ દરમિયાન 26,77,253 સોદાઓમાં કુલ રૂ.1,93,072.79 કરોડનું ટર્નઓવર નોંધાયું હતું, જેમાં કોમોડિટી વાયદાનાં કામકાજનો હિસ્સો રૂ.87,554.15 કરોડનો અને ઓપ્શન્સનો હિસ્સો રૂ.1,05,174.5 કરોડનો હતો.
સમીક્ષા હેઠળના સપ્તાહ દરમિયાન, કીમતી ધાતુઓના વાયદાઓમાં સોના-ચાંદીમાં એમસીએક્સ પર 8,39,239 સોદાઓમાં કુલ રૂ.52,054.10 કરોડનાં કામકાજ થયાં હતાં. સોનાના વાયદાઓમાં એમસીએક્સ સોનું ફેબ્રુઆરી વાયદો 10 ગ્રામદીઠ સપ્તાહના પ્રારંભે રૂ.56,641ના ભાવે ખૂલી, સપ્તાહ દરમિયાન ઈન્ટ્રા-ડેમાં ઉપરમાં રૂ.57,125 અને નીચામાં રૂ.56,514 ના મથાળે અથડાઈ, સપ્તાહનાં અંતે રૂ.416 વધી રૂ.56,962ના ભાવે પહોંચ્યો હતો. આ સામે ગોલ્ડ-ગિની જાન્યુઆરી કોન્ટ્રેક્ટ 8 ગ્રામદીઠ રૂ.591 વધી રૂ.45,800 અને ગોલ્ડ-પેટલ જાન્યુઆરી કોન્ટ્રેક્ટ 1 ગ્રામદીઠ રૂ.97 વધી રૂ.5,656ના ભાવે પહોંચ્યો હતો. સોનું-મિની ફેબ્રુઆરી વાયદો 10 ગ્રામદીઠ રૂ.56,540ના ભાવે ખૂલી, રૂ.422 વધી રૂ.56,865ના સ્તરે પહોંચ્યો હતો.
ચાંદીના વાયદાઓમાં ચાંદી માર્ચ વાયદો 1 કિલોદીઠ સપ્તાહના પ્રારંભે રૂ.68,654ના ભાવે ખૂલી, સપ્તાહ દરમિયાન ઈન્ટ્રા-ડેમાં ઉપરમાં રૂ.69,144 અને નીચામાં રૂ.66,769 ના મથાળે અથડાઈ, સપ્તાહનાં અંતે રૂ.317 વધી રૂ.68,676 ના સ્તરે બંધ થયો હતો. ચાંદી-મિની ફેબ્રુઆરી કોન્ટ્રેક્ટ રૂ.280 વધી રૂ.68,709 અને ચાંદી-માઈક્રો ફેબ્રુઆરી કોન્ટ્રેક્ટ રૂ.289 વધી રૂ.68,696 બંધ થયો હતો.
બિનલોહ ધાતુઓના વાયદાઓમાં સપ્તાહ દરમિયાન એમસીએક્સ ખાતે 86,104 સોદાઓમાં રૂ.14,881.28 કરોડના વેપાર થયા હતા. એલ્યુમિનિયમ જાન્યુઆરી વાયદો 1 કિલોદીઠ રૂ.6.20 વધી રૂ.226.30 અને જસત જાન્યુઆરી વાયદો રૂ.5.30 વધી રૂ.301ના ભાવ થયા હતા. આ સામે તાંબુ જાન્યુઆરી કોન્ટ્રેક્ટ રૂ.17.60 વધી રૂ.792.80 તેમ જ સીસું જાન્યુઆરી કોન્ટ્રેક્ટ રૂ.2.55 ઘટી રૂ.186ના ભાવ થયા હતા.
એનર્જી સેગમેન્ટના વાયદાઓમાં એમસીએક્સ પર સપ્તાહ દરમિયાન 4,24,282 સોદાઓમાં કુલ રૂ.20,553.02 કરોડનો ધંધો થયો હતો. ક્રૂડ તેલ ફેબ્રુઆરી વાયદો સપ્તાહના પ્રારંભે રૂ.6,588ના ભાવે ખૂલી, સપ્તાહ દરમિયાન ઈન્ટ્રા-ડેમાં ઉપરમાં રૂ.6,735 અને નીચામાં રૂ.6,502 ના મથાળે અથડાઈ, સપ્તાહનાં અંતે 1 બેરલદીઠ રૂ.45 ઘટી રૂ.6,533 બોલાયો હતો, જ્યારે નેચરલ ગેસ જાન્યુઆરી વાયદો 1 એમએમબીટીયૂદીઠ રૂ.18.50 ઘટી રૂ.250.30 બંધ થયો હતો.
કૃષિ કોમોડિટીઝના વાયદાઓમાં સપ્તાહ દરમિયાન એમસીએક્સ ખાતે 1,489 સોદાઓમાં રૂ.65.75 કરોડનાં કામકાજ થયા હતા. મેન્થા તેલના વાયદાઓમાં જાન્યુઆરી કોન્ટ્રેક્ટ 1 કિલોદીઠ રૂ.21.60 ઘટી રૂ.997.40 થયો હતો.
કામકાજની દૃષ્ટિએ સપ્તાહ દરમિયાન એમસીએક્સ પર કીમતી ધાતુઓમાં સોનાના વિવિધ વાયદાઓમાં રૂ.21,737.10 કરોડનાં 38,181.125 કિલો અને ચાદીના વિવિધ વાયદાઓમાં કુલ રૂ.30,317.00 કરોડનાં 4,434.315 ટનના વેપાર થયા હતા. એનર્જી સેગમેન્ટમાં ક્રૂડ તેલના વાયદાઓમાં રૂ.6,841.47 કરોડનાં 1,03,38,100 બેરલ અને નેચરલ ગેસના વાયદાઓમાં રૂ.13,712 કરોડનાં 51,75,22,500 એમએમબીટીયૂનો ધંધો થયો હતો. કૃષિ કોમોડિટીઝમાં મેન્થા તેલના વાયદાઓમાં રૂ.65.75 કરોડનાં 647.28 ટનના વેપાર થયા હતા.
ઓપન ઈન્ટરેસ્ટ સપ્તાહના અંતે એમસીએક્સ પર સોનાના વિવિધ વાયદાઓમાં 23,410.518 કિલો અને ચાંદીના વિવિધ વાયદાઓમાં 862.906 ટન, ક્રૂડ તેલમાં 5,46,600 બેરલ અને નેચરલ ગેસમાં 4,99,75,000 એમએમબીટીયૂ તેમ જ મેન્થા તેલમાં 444.24 ટનના સ્તરે રહ્યો હતો.
ઈન્ડેક્સ ફ્યુચર્સની વાત કરીએ તો, એમસીએક્સ પર સપ્તાહ દરમિયાન બુલડેક્સ વાયદામાં રૂ.344.14 કરોડનાં 4,385 લોટ્સ ના વેપાર થયા હતા. બુલડેક્સ ફેબ્રુઆરી વાયદો 15,680ના સ્તરે ખૂલી, 121 પોઈન્ટ વધી 15,748ના સ્તરે હતો.
ઓપ્શન્સની વાત કરીએ તો, સપ્તાહ દરમિયાન કોમોડિટી વાયદા પરના ઓપ્શન્સમાં એમસીએક્સ પર રૂ.1,05,174.50 કરોડનું નોશનલ ટર્નઓવર નોંધાયું હતું. સોનું તથા સોનું-મિનીના કોલ અને પુટ ઓપ્શન્સમાં રૂ.9,584.47 કરોડ, ચાંદી તથા ચાંદી-મિનીના કોલ અને પુટ ઓપ્શન્સમાં રૂ.1,944.13 કરોડનાં કામ થયાં હતાં. એનર્જી સેગમેન્ટના ઓપ્શન્સમાં ક્રૂડ તેલના કોલ અને પુટ ઓપ્શન્સમાં રૂ.65,461.76 કરોડ અને નેચરલ ગેસના કોલ અને પુટ ઓપ્શન્સમાં રૂ.28,179.47 કરોડનાં કામકાજ થયાં હતાં.