રૂદ્રપ્રયાગ(ઉત્તરાખંડ)
કેદારનાથમાં રવિવારે એક સરકારી અધિકારીનું હેલિકોપ્ટરના પંખાની ટક્કરથી મોત થયું હતું. રુદ્રપ્રયાગના પોલીસ અધિક્ષક ડૉ. વિશાખા અશોક ભદાનેએ ઁ્ૈંને જણાવ્યું કે, કેદારનાથના જીએમવીએન હેલિપેડ પર બપોરે આ દુર્ઘટના ત્યારે થઈ જ્યારે હેલિકોપ્ટરમાં ચઢવા આવી રહેલા અમિત સૈનીને ટેલ રોટર સાથે અથડાયો. તેમણે જણાવ્યું કે, અકસ્માતમાં સૈનીને ગળામાં ગંભીર ઈજા થઈ હતી જેના કારણે તેનું મોત થયું હતું. સૈની (૩૫) ઉત્તરાખંડ સિવિલ એવિએશન ડેવલપમેન્ટ ઓથોરિટી (યુકાડા) માં ફાઇનાન્સ કંટ્રોલર તરીકે કામ કરતા હતા, જે રાજ્ય સરકારના ઉડ્ડયન વિભાગની એજન્સી છે, અને તે ટીમનો ભાગ હતો જે હેલિકોપ્ટર સેવાઓ સંબંધિત વ્યવસ્થાઓનું નિરીક્ષણ કરવા સ્થળ પર પહોંચી હતી. કેદારનાથ યાત્રાની શરૂઆત હતી. રુદ્રપ્રયાગના જિલ્લા આપત્તિ વ્યવસ્થાપન અધિકારી નંદન સિંહ રાજવારે જણાવ્યું કે, ક્રિસ્ટલ એવિએશનના હેલિકોપ્ટર સાથે બપોરે ૨.૧૫ વાગ્યે આ દુર્ઘટના થઈ હતી, અને તે સમયે ટીમ કેદારનાથનું નિરીક્ષણ કરીને પરત ફરવાની હતી. કેદારનાથના દરવાજા ૨૫ એપ્રિલે ખુલવાના છે. કેદારનાથમાં હિમવર્ષા થઈ રહી છે, અને વચ્ચે-વચ્ચે વરસાદ થઈ રહ્યો છે, જેની વચ્ચે અધિકારીઓ વ્યવસ્થાઓને આખરી ઓપ આપવામાં વ્યસ્ત છે. આવા ઘણા કિસ્સાઓ સામે આવ્યા છે, જ્યારે હેલિકોપ્ટર બ્લેડના કારણે લોકોએ જીવ ગુમાવ્યા છે. જ્યારે ટેકઓફ પહેલા રોટરને ફ્લાઇટ આરપીએમ સુધી લાવવામાં આવે ત્યારે આ ખૂબ જ વધારે હોય છે. હેલિકોપ્ટરની સામે ઉભા રહેવાથી અને ચાલવાથી બ્લેડ વાગવાની શક્યતા વધી જાય છે. તે જ સમયે, બ્લેડ વાગવાથી ઘણી વખત શરીરના ટુકડા પણ થઈ જાય છે. આ કારણોસર, એવું કહેવામાં આવે છે કે, હેલિકોપ્ટર આવતી વખતે અથવા બહાર નીકળતી વખતે હંમેશા તમારું માથું નીચું રાખો.
