અયોધ્યા
માત્ર ભારતમાં જ નહીં, વિશ્વભરના રામભક્તો, જેઓ બહુ લાંબા સમયથી જેની રાહ જાેઈ રહ્યા હતા એ તારીખ આવી ગઈ છે. અયોધ્યામાં બની રહેલા ભવ્ય રામ મંદિરમાં ભગવાનની મૂર્તિના અભિષેકની તારીખ જાહેર કરવામાં આવી છે. શ્રીરામ જન્મભૂમિ તીર્થ ક્ષેત્ર ટ્રસ્ટના જનરલ સેક્રેટરી ચંપત રાયે જણાવ્યું હતું કે આવતા વર્ષે ૨૨ જાન્યુઆરીએ રામલલ્લાને સ્થાયી ગર્ભગૃહમાં બિરાજમાન કરવામાં આવશે. તેમણે કહ્યું હતું કે ભગવાનની મૂર્તિના અભિષેક માટે અનેક તારીખો પર વિચાર કરવામાં આવ્યો હતો. અંતે, ૨૨ જાન્યુઆરી નક્કી કરવામાં આવી છે. યોગી સરકારના કેબિનેટ મંત્રી સુરેશ ખન્નાએ ટ્વીટ કરીને આ અંગે જાણકારી આપી છે. રામ મંદિરનું ૭૦% બાંધકામ પૂર્ણ થઈ ગયું છે. ગર્ભગૃહના સ્તંભોને ૧૪ ફૂટ સુધી પૂર્ણ કરવામાં આવ્યા છે. મળતી માહિતી મુજબ, ૨૨ જાન્યુઆરીએ મૂર્તિની પવિત્રતાને ધ્યાનમાં રાખીને ઓક્ટોબર સુધીમાં ગર્ભગૃહનું નિર્માણ પૂર્ણ કરવાનું લક્ષ્ય રાખવામાં આવ્યું છે. આ સાથે નેપાળથી લાવવામાં આવેલા (શાલિગ્રામ) પથ્થરમાંથી ભગવાન રામની મૂર્તિ બનાવવાનું કામ પણ ઓક્ટોબર સુધીમાં પૂર્ણ થઈ જશે. ચંપત રાયે જણાવ્યું હતું કે ગર્ભગૃહના નિર્માણમાં મકરાણા માર્બલનો ઉપયોગ કરવામાં આવી રહ્યો છે. મંદિરના પહેલા માળે રામ દરબાર હશે. બીજાે માળ ખાલી રહેશે. એની ઉપયોગિતા મંદિરની ઊંચાઈ માટે રહેશે. ગર્ભગૃહ સુધી પહોંચવા માટે ૩૪ પગથિયાંનો ઉપયોગ કરવામાં આવશે.મંદિરનું નિર્માણ ત્રણ તબક્કામાં પૂર્ણ થશે. પ્રથમ તબક્કો ઓગસ્ટ ૨૦૨૩ સુધીમાં પૂર્ણ થશે. બીજાે તબક્કો ડિસેમ્બર ૨૦૨૪માં, જ્યારે ૨૦૨૫ સુધીમાં મંદિર આકાર લઈ લેશે. જાન્યુઆરી ૨૦૨૪માં મંદિરમાં દર્શન-પૂજા શરૂ થશે. મંદિરના નિર્માણમાં લગભગ ૮૦૦ કરોડ રૂપિયાનો ખર્ચ કરવામાં આવ્યો છે. કુલ ખર્ચ અંદાજે ૧૮૦૦ કરોડ રૂપિયા છે.રામ જન્મભૂમિ ટ્રસ્ટના સભ્ય અને અયોધ્યાના રાજા વિમલેન્દ્ર પ્રતાપ મિશ્રએ જણાવ્યું હતું કે ભગવાન રામની બાળસ્વરૂપ મૂર્તિ હજુ નાની છે, જેથી ગર્ભગૃહમાં વિરાજમાન થયા પછી શ્રદ્ધાળુ યોગ્ય રીતે દર્શન કરી શકશે, જેથી બાળસ્વરૂપની મોટી મૂર્તિ પણ બનાવવામાં આવશે, જેને ગર્ભગૃહમાં જ પ્રાણપ્રતિષ્ઠા પછી સ્થાપિત કરવામાં આવશે. આ મૂર્તિ (રાપિલ્કા) ૨.૫થી ૩ ફૂટ ઊંચી હોઈ શકે છે. આ માટે દેશના મોટા શિલ્પકારોને સ્કેચ બનાવવા માટે કહેવામાં આવ્યું છે, એમાં પદ્મશ્રી અને પદ્મ વિભૂષણથી સન્માનિત કલાકારો પણ સામેલ છે.તેમણે કહ્યું હતું કે મૂર્તિ સંગેમરમરની હશે. આ માટે રાજસ્થાનમાં પથ્થરની બે શિલા પણ ખરીદવામાં આવી છે. ગર્ભગૃહનો દરવાજાે સાગનાં લાકડાંમાંથી બનાવવામાં આવશે. આ લાકડું મહારાષ્ટ્રમાંથી આવશે. આ ઉપરાંત ગર્ભગૃહમાં કર્ણાટકથી લાવેલા ગ્રેનાઈટ પથ્થરોનો ઉપયોગ કરવામાં આવી રહ્યો છે.ડૉ.અનિલ મિશ્રા કહે છે, મંદિરના બીજા માળનું કામ ૨૦૨૪માં શરૂ થશે. આ માળે રામ દરબાર થશે. મંદિરમાં ત્રીજાે માળ પણ બનાવવામાં આવશે, પરંતુ એના પર ભક્તોને પ્રવેશ આપવામાં આવશે નહીં. મંદિરનું શિખર ૧૬૧ ફૂટ ઊંચું હશે. રામનવમીના દિવસે ભગવાન રામને સૂર્યતિલકથી અભિષેક કરવામાં આવશે, એટલે કે સૂર્યનાં કિરણો સીધા ભગવાનની ટોચ પર આવશે. આ કિરણ કેવી રીતે આવશે એ માટે ૈંૈં્ રૂડકીના પ્રોફેસરો કામ કરી રહ્યા છે.મિશ્રા કહે છે, ગર્ભગૃહની આસપાસ ૧૪ ફૂટ પહોળો પરિક્રમા કોરિડોર પણ હશે. મંદિરથી ૨૫થી ૨૭ મીટરના અંતરે પ્લિન્થ બનાવવામાં આવશે. એની ઊંચાઈ લગભગ ૧૬ ફૂટ હશે. આ કિલ્લાઓ પર દક્ષિણ-પૂર્વ દિશામાં વિષ્ણુ પંચાયતન મંદિર, ઉત્તર-પૂર્વમાં દુર્ગાજીનું મંદિર, ઉત્તર-પૂર્વમાં ગણેશજીનું મંદિર, અગ્નિ ખૂણા પર ભગવાન શંકર, ઉત્તરમાં અન્નપૂર્ણા માતા અને હનુમાનજીનું મંદિર હશે. મંદિરનું પ્રવેશદ્વાર પૂર્વમાં અને બહાર નીકળવાનો માર્ગ દક્ષિણમાં હશે.
