ગ્રેટર નોઈડા
ભારતમાં ગેરકાયદે ઘૂસેલી પાકિસ્તાનની મહિલા અંગે ચોકાવનારા ખુલાસાઓ થવા પામ્યા છે. પોલીસના જણાવ્યા અનુસાર, મહિલા અને તેનો કથિત બોયફ્રેન્ડ ઓનલાઈન ગેમ ઁેંમ્ય્ના સંપર્કમાં આવ્યા બાદ ઈન્સ્ટાગ્રામ અને વોટ્સએપ પર ચેટ અને કોલ કરતા હતા. તેણે યુટ્યુબ પર વીડિયો જાેઈને ભારત આવવાનો રસ્તો શોધી કાઢ્યો હતો. પોલીસે ત્રણેયને સાંજે ડિસ્ટ્રિક્ટ કોર્ટમાં રજૂ કર્યા હતા, જ્યાંથી તેમને ૧૪ દિવસની જ્યુડિશિયલ કસ્ટડીમાં મોકલી દેવામાં આવ્યા. મહિલાના ચાર બાળકો પણ તેની સાથે રહેશે. પોલીસ, છ્જી, ૈંમ્ અને સ્થાનિક ગુપ્તચર એકમ દ્વારા અટકાયત કરાયેલ સીમા ગુલામ હૈદર(૨૭) અને સચિન(૨૨)ની લગભગ ૪૮ કલાક સુધી પૂછપરછ કરવામાં આવી હતી. ગ્રેટર નોઈડાના ડીસીપી સાદ મિયાં ખાને જણાવ્યું કે આ પછી મહિલા અને યુવકના પિતાની ધરપકડ કરવામાં આવી. મહિલા પર ફોરેનર્સ એક્ટની કલમો હેઠળ અને તેના કથિત પ્રેમી અને પિતાને સુરક્ષા આપવા બદલ કેસ દાખલ કરવામાં આવ્યો છે. સીમા ગુલામ હૈદર પાકિસ્તાનના સિંધ પ્રાંતની રહેવાસી છે. તેના લગ્ન ફેબ્રુઆરી ૨૦૧૪માં સિંધના ગુલામ હૈદર સાથે થયા હતા. બંનેને ચાર બાળકો હતા. પતિ કરાચીમાં ટાઇલ્સ લગાવવાનું કામ કરતો હતો. વર્ષ ૨૦૧૯ માં, તેણે સાઉદી અરેબિયામાં કામ કરવાનું શરૂ કર્યું. દરમિયાન બંનેના છૂટાછેડા થઈ ગયા. આ દરમિયાન સીમા હૈદર ઁેંમ્ય્ ગેમ રમતી વખતે ગ્રેટર નોઈડાના રબુપુરામાં રહેતા સચિનને ??મળી હતી. સતત ચેટિંગ અને વાતચીતને કારણે તેમની વચ્ચે પ્રેમસંબંધ બંધાયો હતો. બંનેની પ્રથમ મુલાકાત નેપાળના કાઠમંડુમાં થઈ હતી. અહીં બંને એક હોટલમાં સાત દિવસ રોકાયા, ત્યારબાદ સીમા પાકિસ્તાન પરત ચાલી ગઈ. આ પછી સીમા ફરી તેના ચાર બાળકો સાથે ટુરિસ્ટ વિઝા લઈને નેપાળ પહોંચી અને ત્યાંથી બસમાં દિલ્હી પહોંચી અને પછી રબુપુરામાં સચિન પહોંચી. સીમા અને સચિન સાથે મળીને ભારત પહોંચવાનો રસ્તો શોધી કાઢે છે. આ માટે તેણે યુટ્યુબ પર ઘણા વીડિયો જાેયા. આ પછી સીમાએ એક ટ્રાવેલ એજન્સીનો સંપર્ક કર્યો અને નેપાળ પહોંચી અને બસ દ્વારા ભારતમાં પ્રવેશ કર્યો. તેણે ભારત આવવા માટે પાકિસ્તાનમાં પોતાનો પ્લોટ વેચી દીધો. આમાંથી તેને ૧૨ લાખ રૂપિયા (ભારતીય ચલણમાં) મળ્યા હતા. બંને બલ્લભગઢમાં પકડાયા હતા, પોલીસના જણાવ્યા અનુસાર, મહિલા ૧૩ મેના રોજ રબુપુરામાં સચિન પહોંચી હતી. આ પછી ૧ જુલાઈના રોજ સીમા અને સચિન અચાનક રબુપુરામાંથી ગાયબ થઈ ગયા હતા. આ પછી પોલીસે તેમનું લોકેશન ટ્રેસ કરવાનું શરૂ કર્યું. શરૂઆતમાં, બંનેને મથુરાના પાની ગામમાંથી અટકાયતમાં લેવાનો મામલો સામે આવ્યો હતો, પરંતુ પોલીસે મંગળવારે જણાવ્યું કે તેઓ હરિયાણાના બલ્લભગઢના સેક્ટર ૫૯ સ્થિત ચંદાવલી નાલા પુલની સામેથી પકડાયા હતા. પોલીસના જણાવ્યા અનુસાર યુવક બલ્લભગઢમાં તેના સાળાના ઘરે જઈ રહ્યો હતો. સીમા હૈદર પોતાના દેશ પરત ફરવાનો ઈન્કાર કરી રહી છે. તેણે હાથ જાેડીને કહ્યું કે તે સચિનને ??ખૂબ પ્રેમ કરે છે. તેની સાથે જીવવા માટે મરવા તૈયાર છું, પણ પાકિસ્તાન પાછા નહીં જવા માગતી. સચિન પણ સ્વીકારવા અને મહિલા અને તેના ચાર બાળકો સાથે રહેવા તૈયાર છે. કેન્દ્રીય તપાસ એજન્સીઓ પણ જાસૂસીના એંગલથી મામલાની તપાસ કરી રહી છે. આ મામલે પાકિસ્તાની મહિલાને અનેક સવાલો પણ પૂછવામાં આવ્યા હતા. તેણે જાસૂસી અને તેના કોઈપણ ભાઈઓ પાકિસ્તાનની સેનામાં હોવા જેવી બાબતોને સ્પષ્ટપણે નકારી કાઢી હતી. પોલીસનું કહેવું છે કે સીમા હૈદરનો મોબાઈલ અને પાકિસ્તાની સિમ ફોરેન્સિક લેબમાં મોકલવામાં આવશે. તપાસ બાદ સત્ય જાણવા મળશે.
