અનંત અંબાણી અને રાધિકા મર્ચન્ટનાં લગ્નનાં ફંક્શન શરૂ થઇ ચૂક્યાં છે. ગઈકાલે રાત્રે કપલે પરિવાર અને નજીકના મિત્રો સાથે ગરબા નાઈટ સેલિબ્રેટ કરી હતી. મીડિયા રિપોર્ટ્સ અનુસાર, આ ફંક્શન એન્ટિલિયામાં થયું હતું અને અનંત અંબાણીનાં દાદી કોકિલાબેન દ્વારા આ ફંક્શનનું આયોજન કરવામાં આવ્યું હતું.
આ ફંક્શનમાં જાન્હવી કપૂરનો કથિત બોયફ્રેન્ડ શિખર પહાડિયા તેના ભાઈ વીર પહાડિયા સાથે પહોંચ્યો હતો. શિખરે ‘છોગાળા તારા’ ગીત ગાઈને પ્રસંગને વધાવ્યો હતો. આ ફંક્શનની કેટલીક તસવીરો સોશિયલ મીડિયા પર પણ વાઇરલ થઇ રહી છે, જેમાં પૂર્વ મિસ વર્લ્ડ માનુષી છિલ્લર પણ જોવા મળી હતી.
