દિગ્ગજ અભિનેતા દિલીપ કુમારના નિધન પછી, તેમની પત્ની અને અભિનેત્રી સાયરા બાનુ દરરોજ તેમની સાથે સંબંધિત વાર્તાઓ સોશિયલ મીડિયા પર શેર કરે છે.
13 ઓગસ્ટના રોજ, વૈજયંતિમાલાના 91માં જન્મદિવસ પર, સાયરાએ જણાવ્યું કે કેવી રીતે વૈજયંતિમાલા અને દિલીપ કુમાર વચ્ચેના સંબંધો બગડ્યા અને કેવી રીતે અભિનેત્રીએ બંને વચ્ચે સમાધાન કરાવ્યું.
સાયરાએ વૈજયંતિમાલા, પોતાની અને દિલીપ સાહેબની ત્રણ તસવીરો સોશિયલ મીડિયા પર શેર કરી છે. આ શેર કરતી વખતે તેણે એક લાંબી નોટ લખી.
જ્યારે વૈજયંતિમાલાએ તેમને સ્પર્શ કર્યો ત્યારે સાયરાએ એક અઠવાડિયા સુધી ચહેરો ધોયો ન હતો.
સાયરાએ લખ્યું, ‘મારા પ્રિય અક્કા (વૈજયંતિમાલા)ને જન્મદિવસની શુભેચ્છા. જ્યારે હું મારી માતા સાથે મહેબૂબ સ્ટુડિયોની મુલાકાત લેવા ગઈ હતી ત્યારે હું તમને પહેલીવાર મળી હતી.
જ્યારે હું તમને ફરીથી મળી ત્યારે મેં ‘જંગલ’માં કામ કરવાનું શરૂ કરી દીધું હતું. મને મૂવી પ્રીમિયરમાં જોઈને તમે પ્રેમથી મારા ગાલ ખેંચ્યા. મને લાગે છે કે મેં તે આખું અઠવાડિયુ મેં મારો ચહેરો ધોયો નહોતો.