જામનગરની જી.જી.હોસ્પિટલમાં બાળકોના ગ્રોથ હોરમોન્સ ટ્રીટમેન્ટની સારવામાં ઉપયોગી 719 ઇન્જેકશન આવ્યા છે.
સાંસદ પૂનમબેન માડમે આ માટે કરેલી રજૂઆતને સફળતા મળી છે. સૌરાષ્ટ્રની સૌથી મોટી એવી જામનગરની ગુરૂ ગોવિંદસિંઘ હોસ્પીટલમાં જામનગર અને દેવભૂમિ દ્વારકાના બાળકો માટેના ગ્રોથ હોરમોન્સ ટ્રીટમેન્ટના 719 ઇન્જેક્શન તાકીદે આવ્યા છે. આ ઇંજેક્શન બાળકોના સમતોલ વૃદ્ધિ અને વિકાસ માટે અત્યંત આવશ્યક છે.
તેની કિંમત રૂ.25 લાખ જેટલી થાય છે જે સારવાર જરૂરીયાતમંદ બાળકોને જી.જી.હોસ્પીટલમાંથી વિનામુલ્યે મળશે. સંસદસભ્ય પૂનમબેન માડમની રજુઆતના પગલે રાજય સરકાર દ્રારાહાલારના બંને જિલ્લાના બાળ દર્દીઓ માટે આ તાત્કાલીક વ્યવસ્થા કરવામાં આવી છે.