જાે કોઈ દર્દીના હૃદયમાં ૯૦ ટકા બ્લોકેજ હોય ??તો ડૉક્ટરો તેને સર્જરી કરાવવાની સલાહ આપે છે. આવા કિસ્સાઓમાં, દર્દી તેના હૃદયની સર્જરી પણ કરાવે છે. પરંતુ હવે આયુર્વેદની મદદથી હૃદયના દર્દીઓને સર્જરી વગર સારવાર આપી શકાશે. જેઓ અત્યાર સુધી હૃદય રોગની સારવાર માટે માત્ર એલોપેથી પર આધાર રાખતા હતા તેમના માટે આ સારા સમાચાર છે. અખિલ ભારતીય આયુર્વેદ સંસ્થાન, દિલ્હીના તબીબોએ હાર્ટ એટેકના દર્દીની આયુર્વેદથી સારવાર કરી છે. હૃદયની ધમનીમાં ૯૦ ટકા બ્લોકેજ હોવા છતાં દર્દીને સર્જરીની જરૂર ન પડી અને તે સંપૂર્ણ રીતે ફિટ થઈ ગયો છે. તે માત્ર આયુર્વેદિક દવાથી સાજા થયા છે.
ઓલ ઈન્ડિયા ઈન્સ્ટીટ્યુટ ઓફ આયુર્વેદમાં આવેલા ૫૦ વર્ષના અવધેશ કુમારને હાર્ટ એટેક આવ્યો હતો. એન્જીયોગ્રાફીમાં ખબર પડી કે તેની ધમનીમાં ૯૦ ટકા બ્લોકેજ છે. ડૉક્ટરોએ તેમને બે સ્ટેન્ટ નાખવાની સલાહ આપી. અવધેશ જ્યારે દિલ્હીની ઓલ ઈન્ડિયા ઈન્સ્ટીટ્યુટ ઓફ આયુર્વેદમાં આવ્યો ત્યારે ડોક્ટરોએ તેની સારવાર આયુર્વેદ અને પંચકર્મથી કરી. ત્રણ મહિના સુધી આયુર્વેદિક દવાઓ આપવામાં આવી હતી. હવે જ્યારે અહીં એન્જિયોગ્રાફી કરવામાં આવી ત્યારે દર્દીમાં માત્ર ૦-૫ ટકા બ્લોકેજ જાેવા મળ્યું હતું અને હૃદયરોગનું જાેખમ સંપૂર્ણપણે ઘટી ગયું હતું. આ સારવાર ઓલ ઈન્ડિયા ઈન્સ્ટીટ્યુટ ઓફ આયુર્વેદના ડો. દિવ્યા કજરીયાના નેતૃત્વમાં કરવામાં આવી છે. ૯૦ ટકા બ્લોકેજ હોવા છતાં દર્દી આયુર્વેદથી ઠીક થઇ શકે છે. જે દિલ્હીની ઓલ ઈન્ડિયા ઈન્સ્ટીટ્યુટ ઓફ આયુર્વેદ સંસ્થાનએ કરી બતાવ્યું છે.
