ખાખરીયા મુકામે રાજગોર બ્રાહ્મણ જ્ઞાતિના ચોક્કસ ગામ પૂરતું સ્નેહમિલન સાથે સમૂહ ભોજન સંપન્ન.
અમરેલી જીલ્લાના કુંકાવાવ, વડીયા તાલુકાના ખાખરીયા મુકામે તોરી, રામપુર, ખાન ખીજડીયા, મોરવાડા, અરજણસુખ અને અનિડા ગામના રાજગોર બ્રાહ્મણ જ્ઞાતિ બંધુઓએ સાથે મળી વેદમાતા ગાયત્રીના દીપ પ્રાગટ્ય કરી, સ્નેહ મિલન સાથે સમૂહ ભોજનનું આયોજન કરવામાં આવ્યું.
ઉપરોક્ત છ ગામના જ્ઞાતિબંધુઓ સાથે મળી સમૂહ ભાવનાના પ્રતિક સાથે એક બીજાએ પરિવારની જેમ મળી આનંદની લાગણીઓ સાથે રાજીપો વ્યક્ત કરેલ. આગામી વર્ષે ઉમદા ભાવ સાથે વધારે ગામડાઓના જ્ઞાતિ બંધુઓ એકત્રિત થાય તેવા પ્રયત્નો કરવાનો નિર્ધાર કરેલ. અંતે ભોજન પ્રસાદ ગ્રહણ કરી સૌએ ધન્યતા અનુભવેલ. તેમ રા.બ્રા. કુટુંબ એપ એપ્લિકેશનના સંચાલક અજયભાઈ તેરૈયાની અખબાર યાદી જણાવે છે.
સી. વી. જોશી વિસાવદર
