ભરૂચની SVMIT એન્જિનિયરિંગ કોલેજ દ્વારા RHYTHM 2K24 સાંસ્કૃતિક કાર્યક્રમનું ભવ્ય આયોજન કરવામાં આવ્યું હતું. સદર કાર્યક્રમનું આયોજન સંસ્થાનાં ડાયરેક્ટર જે.એમ.પટેલ તથા ઇન્ચાર્જ પ્રિન્સિપાલ ડો. દિપક દેવરેનાં માર્ગદર્શન હેઠળ ઇવેન્ટ કો-ઓર્ડિનેટર ડો. દિપક ગોસાઈ દ્વારા સફળતાપૂર્વક પાર પાડવામાં આવ્યું હતું.
કાર્યક્રમમાં વિદ્યાર્થીઓ દ્વારા અવનવી સાંસ્કૃતિક કૃતિઓ રજૂ કરવામાં આવી હતી. આ તકે સ્પોર્ટ્સ વિજેતાઓને તથા એકેડેમિક્સ એચિવસૅને સર્ટિફિકેટ આપી સન્માનિત કરવામાં આવ્યાં હતાં. આ ઇવેન્ટ બાદ યોજાયેલ ડી.જે. તેમજ ગરબાની રમઝટ પણ સફળ રહેવા પામી હતી.