બગસરા પોલીસ સ્ટેશન વિસ્તારમાંથી એક ઇસમને લાયસન્સ વગરના દેશી હાથ બનાવટના તમંચા (અગ્નિશસ્ત્ર)સાથે પકડી પાડતી અમરેલી એલ.સી.બી. ટીમ
ભાવનગર રેન્જ આઇ.જી.ગૌતમ પરમાર નાઓએ ભાવનગર રેન્જના જિલ્લાઓમાં કાયદો અને વ્યવસ્થાની પરિસ્થિતિ જળવાઇ રહે તે હેતુસર ગેરકાયદેસર હથિયારો ધરાવતા ઇમસોને પકડી પાડવા સુચના આપેલ હોય, અમરેલી પોલીસ અધિક્ષક સંજય ખરાત નાઓએ અમરેલી જિલ્લામાં ગંભિર પ્રકારના ગુન્હાઓ અટકાવવા તેમજ કાયદો અને વ્યવસ્થાની પરિસ્થિતિ જળવાઇ રહે તે અન્વયે ગેરકાયેદસર હથિયાર ધરાવતા ઇસમો ઉપર વોચ રાખી, આવા આરોપીઓને શોધી કાઢી, તેમના વિરૂધ્ધ કાયદેસર કાર્યવાહી કરવા અમરેલી જિલ્લા પોલીસને માર્ગદર્શન આપેલ હોય,જે અન્વયે અમરેલી એલ.સી.બી. પોલીસ ઇન્સ.એ.એમ. પટેલ નાઓની રાહબરી હેઠળ એલ.સી.બી.ટીમ બગસરા પોલીસ સ્ટેશન વિસ્તારમાં પેટ્રોલીંગ દરમિયાન બાતમી હકિકત આધારે નવી હળીયાદ થી ઘંટીયાણ ગામે જવાના રસ્તે આવેલ વાડીએથી એક ઇસમને દેશી હાથ બનાવટના તમંચા (અગ્નિશસ્ત્ર) સાથે પકડી પાડેલ છે.
*પકડાયેલ આરોપીની વિગતઃ*-
*ગભરૂભાઈ નાનાભાઈ ખાખડીયા, ઉ.વ.૫૨, રહે.નવી હળીયાદ, ગરબી ચોક પાસે, તા.બગસરા, જિ.અમરેલી.*
*પકડાયેલ હથિયારની વિગતઃ*-
*એક દેશી હાથ બનાવટનો તમંચો કિ.રૂ.૩,૦૦૦/-*
*દેશી હાથ બનાવટના તમંચા (અગ્નિશસ્ત્ર) સાથે પકડાયેલ ઇસમ વિરૂધ્ધ આર્મ્સ એક્ટ હેઠળ કાર્યવાહી કરી, આરોપી અને મુદ્દામાલ વધુ તપાસ અર્થે બગસરા પોલીસ સ્ટેશનમાં સોંપી આપેલ છે.*
આ કામગીરી અમરેલી પોલીસ અધિક્ષક સંજય ખરાત નાઓની સુચના અને માર્ગદર્શન હેઠળ અમરેલી એલ.સી.બી.પોલીસ ઇન્સ.એ.એમ.પટેલ તથા પો.સ.ઇ. શ્રી એમ.બી.ગોહિલ તથા હેડ કોન્સ. આદિત્યભાઇ બાબરીયા, કુલદીપભાઈ દેવભડીંગજી દ્વારા કરવામાં આવેલ છે.
