ઓગસ્ટ મહિનો શરૂ થયો છે અને આજથી ઘણા મુખ્ય નિયમો બદલાયા છે. ક્રેડિટ કાર્ડથી લઈને એલપીજીના ભાવમાં દરેક વસ્તુમાં ફેરફાર થયો છે. આ ફેરફાર તમારા ખિસ્સા પર અસર કરશે. જાે તમારી પાસે HDFC બેંકનું ક્રેડિટ કાર્ડ છે, તો આ મહિનાથી તેનાથી સંબંધિત નિયમોમાં ફેરફાર થયા છે, જે તમારા માસિક ખર્ચને અસર કરી શકે છે. આ ઉપરાંત તમારે વધુ ચાર્જ ચૂકવવો પડી શકે છે.જાે તમે CRED, PayTM, Cheq, MobiKwik અને Freecharge જેવી થર્ડ પાર્ટી એપ્સ દ્વારા રેન્ટની ચુકવણી માટે HDFC બેંક ક્રેડિટ કાર્ડનો ઉપયોગ કરો છો, તો તમારે ૧ ટકા વધારાની ફી ચૂકવવી પડશે. આ માટે બેંક દ્વારા પ્રતિ ટ્રાન્ઝેક્શન ૩,૦૦૦ રૂપિયાની મહત્તમ મર્યાદા નક્કી કરવામાં આવી છે.
મીડિયા રિપોર્ટ અનુસાર, યુટિલિટી ટ્રાન્ઝેક્શન પર વધારાના ચાર્જ પણ લગાવવામાં આવી રહ્યા છે. જાે કે, રૂ. ૫૦,૦૦૦થી નીચેના વ્યવહારો પર કોઈ વધારાનો ચાર્જ લેવામાં આવશે નહીં, પરંતુ જાે ચુકવણીની કિંમત રૂ. ૫૦,૦૦૦થી વધુ હોય તો ૧ ટકાનો ચાર્જ વસૂલવામાં આવશે, અહીં પણ પ્રતિ ટ્રાન્ઝેક્શન મર્યાદા રૂ. ૩,૦૦૦ નક્કી કરવામાં આવી છે. જાે તમે HDFC બેંક ક્રેડિટ કાર્ડ દ્વારા ફ્યુઅલ પેમેન્ટ કરો છો, તો હવે તમારે વધારાનો ચાર્જ ચૂકવવો પડશે.
જાે કાર્ડ ધારક રૂ. ૧૫,૦૦૦થી ઓછું તેલનું પેમેન્ટ કરે છે તો કોઇ ચાર્જ વસૂલવામાં આવશે નહીં, પરંતુ આનાથી વધુ ટ્રાન્ઝેક્શન માટે ૧ ટકાનો ચાર્જ ચૂકવવો પડશે. વીમા પ્રીમિયમની ચુકવણી વિશે વાત કરીએ તો, વીમા ચુકવણીઓ પર કોઈ વધારાના શુલ્ક ચૂકવવા પડશે નહીં.થર્ડ પાર્ટી એપ્સ દ્વારા કરવામાં આવતી કોઈપણ પ્રકારની શૈક્ષણિક ચુકવણીઓ પર પણ ૧ ટકાના દરે ચાર્જ લેવામાં આવશે, જાે કે, શૈક્ષણિક સંસ્થાઓની સત્તાવાર વેબસાઇટ અથવા ર્ઁંજી મશીનો દ્વારા કરવામાં આવતી સીધી ચુકવણી પર આવો કોઈ ચાર્જ લેવામાં આવશે નહીં. આ સિવાય ઈન્ટરનેશનલ એજ્યુકેશનલ પેમેન્ટ્સને પણ આ ફીમાંથી મુક્તિ આપવામાં આવી છે.