વિશ્વની સૌથી મોટી મોટરસાઇકલ અને સ્કૂટર ઉત્પાદક કંપની Hero MotoCropyuએ તેના સ્થાપક અધ્યક્ષ ડૉ. બ્રિજમોહન લાલ મુંજાલની યાદમાં એક ખાસ મોટરસાઇકલ ધ સેન્ટેનિયલ રજૂ કરી છે. ‘ધ સેન્ટેનિયલ’ને મોટરસાઇકલ કલેક્ટર્સને ધ્યાનમાં રાખીને ડિઝાઇન કરવામાં આવી છે. તે ખૂબ કાળજી સાથે બનાવવામાં આવ્યું છે, જે તેની વિશિષ્ટતા અને અનન્ય કારીગરીનો પુરાવો છે. Hero MotoCrop એ એક રીલીઝમાં જણાવ્યું છે કે તેની માત્ર ૧૦૦ બાઇકનું જ નિર્માણ કરવામાં આવ્યું છે, જે ફક્ત આમંત્રણ પર જ ઉપલબ્ધ કરાવવામાં આવશે. તેની સપ્લાય સપ્ટેમ્બર, ૨૦૨૪માં શરૂ થશે.
કંપનીએ કહ્યું કે, ડૉ. બ્રિજમોહન લાલ મુંજાલની ૧૦૧મી જન્મજયંતિના અવસરે, કંપની આ મોટરસાઇકલ તેના કર્મચારીઓ, સહયોગીઓ, બિઝનેસ પાર્ટનર્સ અને હિતધારકોને હરાજી કરશે. આમાંથી એકત્ર થયેલી મૂડીનો ઉપયોગ સમાજના ભલા માટે કરવામાં આવશે.’ ભારતમાં હીરો સેન્ટર ફોર ઇનોવેશન એન્ડ ટેક્નોલોજી (સીઆઇટી) અને જર્મનીના હીરો ટેક સેન્ટર (ટીસીજી)ના વૈશ્વિક નિષ્ણાતો દ્વારા આ મોટરસાઇકલની કલ્પના, ડિઝાઇન અને વિકાસ કરવામાં આવ્યો છે.