લોકસભા ચૂંટણી 2024: મહા – પરિણામ 543 બેઠકોનું

મંગળવારે સવારે 8 વાગ્યાથી દેશના તમામ રાજ્યો અને કેન્દ્રશાસિત પ્રદેશોમાં ભારે સુરક્ષા વચ્ચે લોકસભા ચૂંટણી 2024 ના સાત તબક્કામાં યોજાએલી ચુંટણીની મતગણતરી કરવામાં આવી હતી, તેના વલણો/પરિણામો સવારના 10 વાગ્યાથીજ આવવાનું શરૂ થઈ ગયા હતા. લોકસભામાં 543 બેઠકો છે, પરંતુ ભારતીય જનતા પાર્ટી (ભાજપના) મુકેશ દલાલ સુરત, ગુજરાતમાં બિનહરીફ ચૂંટાયા હોવાથી, માત્ર 542 બેઠકો માટે મતોની ગણતરી કરવામાં આવી રહી છે.

તાજેતરના વલણોમાં, એનડીએ, ઇન્ડી ગઠબંધન કરતાં આગળ જણાય છે. આ સાથે ચૂંટણી પંચે પણ પરિણામ જાહેર કરવાનું શરૂ કરી દીધું છે. ચૂંટણી પંચના આંકડા મુજબ કયો ઉમેદવાર કઈ બેઠક પર આગળ ચાલી રહ્યો છે અથવા કોણ જીત્યું છે. અમે તેની સંપૂર્ણ વિગતો અહીં આપી રહ્યા છીએ.

નીચે જણાવેલ માહિતી આ સમાચાર લખાય છે ત્યાં સુધીની છે-

લોકસભા ચૂંટણીની મતગણતરી ચાલુ છે. ભાજપનું ‘અબકી બાર 400 પાર’નું સૂત્ર નિષ્ફળ ગયું છે. વલણો અનુસાર, એનડીએને બહુમતી મળતી દેખાઈ રહી છે પરંતુ ભાજપ 272ના જાદુઈ આંકડાથી ઓછામાં ઓછા 30-35 વોટ પાછળ છે.

આ વખતની લોકસભા ચૂંટણી ભાજપ અને કોંગ્રેસ માટે બહુ મહત્વની રહી. ભાજપને અપેક્ષા કરતાં ઓછી બેઠકો મળવાને લઈને હવે ચર્ચા વિચારણાનો દોર શરૂ થયો છે. આ ત્યારે છે જ્યારે અયોધ્યામાં ભવ્ય રામ મંદિર બનાવવાનો ભાજપનો એજન્ડા પૂર્ણ થઈ ગયો છે. જ્યારે કલમ 370 હેઠળ જમ્મુ-કાશ્મીરને આપવામાં આવેલ વિશેષ દરજ્જો નાબૂદ કરવાનો ભાજપનો વાયદો પૂરો થયો છે.

જો આ વલણો પરિણામોમાં પરિવર્તિત થાય છે, તો વડા પ્રધાન નરેન્દ્ર મોદી પ્રથમ વડા પ્રધાન જવાહરલાલ નેહરુ પછી સતત ત્રીજી વખત સત્તામાં આવવાનો ચમત્કાર કરી શકે છે, પરંતુ ગઠબંધનની ચુસ્તી વિના આ શક્ય નથી. જો સંપૂર્ણ બહુમતી ગુમાવ્યા પછી ભાજપ ગઠબંધન હેઠળ ત્રીજી વખત સરકાર બનાવે છે, તો તેણે JDU વડા નીતીશ કુમાર અને TDP વડા ચંદ્રાબાબુ નાયડુના સાથ સહકાર સાથે રહેવું પડશે. ગઠબંધનમાં વારંવાર બદલાવને કારણે ‘પલ્ટુ ચાચા’ના નામથી કુખ્યાત બનેલી નીતિશની પાર્ટી એનડીએ નહીં છોડે એવો આગ્રહ કરી રહી છે પરંતુ તેમના સંબંધમાં ચર્ચાઓ શરૂ થઈ ગઈ છે.