નવસારી જિલ્લાના બીલીમોરા સોમનાથ મહાદેવ મંદિરે દક્ષિણ ગુજરાતનું પારંપરિક નૃત્ય એવા ઘેરૈયા નૃત્યનો વારસો ટકાવવા માટે 29 વર્ષથી લાભપાંચમના દિવસે હરિફાઈ યોજવામા આવે છે. જેના ભાગરૂપે ઘેરૈયા સ્પર્ધા યોજાઇ હતી.
ઘેરૈયાની લોકવાયકા ઘેરૈયા મંડળીઓ દૂર દૂર સુધી ઘેર લઇને જાય છે અને નવરાત્રિ દરમિયાન ઘેરૈયા નુત્યની રમઝટ બોલાવતા હોય છે. ઘેરૈયાની અનેક લોકવાયકા છે કે, જેના સમયમાં ઘણીયામાની દીકરી જે ગામે પરણેલી હોય તે ગામ સુધી ઘેર લઇને જતા હતા. સામાન્ય રીતે એવી માન્યતા કે ધૈરેયા મંડળીઓ જે ઘેરે જાય જેનું કલ્યાણ થાય અને દરેક પ્રકારની મનોકામના માતાજી પૂર્ણ કરે છે.
છેલ્લાં 29 વર્ષથી લાભપાંચમના દિવસે સ્પર્ધા યોજવામાં આવે છે છેલ્લાં કેટલાક સમયથી બદલાયેલી રહેણીકરણી અને જીવનપદ્ધતિના કારણે ઘેરૈયા નૃત્ય ભુલાઈ રહ્યુ છે. આદિવાસી સમાજની પરંપરાને ટકાવી રાખવા માટે નવસારી જિલ્લાના બીલીમોરા સોમનાથ મહાદેવ મંદિર ટ્રસ્ટ તરફથી 29 વર્ષથી લાભપાંચમના દિવસે સ્પર્ધા યોજવામા આવે છે. જેમાં સમગ્ર દક્ષિણ ગુજરાતના ઘેરૈયા ગૃપો ભાગ લે છે અને ગુજરાતના આદિવાસી નૃત્યને વેગ આપી સંસ્કૃતિને ઉજાગર કરતાં ચાલુ વર્ષે આ સ્પર્ધામાં 9 જેટલા ઘેરૈયાઓની ઘેરને નિહારવા મોટી સંખ્યામાં લોકો ઉપસ્થિત રહ્યા હતા. આમ દક્ષિણ ગુજરાતનું વિસરાતું જતું લોકનૃત્ય ધૈરેયાને ઘેર ફરી જીવત થઇ લોકના દિલમાં વસવાટ કર્યો છે
