કેન્દ્રીય નાણામંત્રી ર્નિમલા સીતારમણે મંગળવારે નાણાંકીય વર્ષ ૨૦૨૪-૨૦૨૫ નું બજેટ રજૂ કર્યું છે. નોંધનીય છે કે, આ બજેટ મોદી સરકાર ૩.૦ નું પહેલું પૂર્ણ બજેટ છે. તેમને જણાવી દઈએ કે, વિત્ત મંત્રી ર્નિમલા સીતારમણ ૨૦૧૯ થી બજેટ રજૂ કરી રહ્યા છે. અને દરેક વર્ષે તેમની સાડીનો લૂક કંઈક વિશેષ હોય છે. ર્નિમલા સીતારમણ આ વખતે સાતમી વખત બજેટ રજૂ કરી રહ્યા છે. દરેક વર્ષે નાણામંત્રી પોતાના વિશેષ રૂપમાં જોવા મળતા હોય છે. આ વર્ષે પણ તેમની સાડીનો લૂક કંઈક અલગ જોવા મળ્યો છે.
દરેક બજેટ વિશેષ હોય છે અને તેની સાથે દેશની પ્રગતિ અને વિકાસ વેગવાન બને છે. નાણામંત્રી ર્નિમલા સીતારમણની સાડી આ તમામ પ્રતીકો સાથે જોડાયેલી છે. વાસ્તવમાં, જો તમે થોડું ધ્યાન આપો, તો તમે સમજી શકશો કે નાણામંત્રી દ્વારા પહેરવામાં આવતી સાડી વિવિધ રંગોની હતી અને રાજ્ય સાથે જોડાયેલી હતી. ઉદાહરણ તરીકે, જો તમે આ વખતે સાડી જુઓ છો, તો તે સફેદ રંગની સાડી હતી જે આંધ્રપ્રદેશ માટે વિશેષ નાણાકીય સહાય સાથે સંકળાયેલી હતી.
૭ બજેટ, નાણામંત્રી ર્નિમલા સીતારમણની ૭ સાડીઓ નું મહત્વ પણ અતિ ખાસ
નાણામંત્રી ર્નિમલા સીતારમણે ૨૦૨૪-૨૦૨૫ના બજેટમાં મંગલાગીરી સાડી પહેરી હતી. નાણા પ્રધાન ર્નિમલા સીતારમણે સંપૂર્ણ બજેટ ૨૦૨૪-૨૫ રજૂ કરવા માટે આંધ્ર પ્રદેશની કિરમજી બોર્ડરવાળી ઓફ-વ્હાઈટ મંગલાગીરી સાડી પહેરી હતી. તો બજેટમાં આંધ્રપ્રદેશ માટે વિશેષ આર્થિક સહાયની પણ જાહેરાત કરવામાં આવી હતી. તેથી એવું કહી શકાય કે સાડી પસંદ કરવામાં આવી હતી જે આ રાજ્ય સાથે સંકળાયેલી હતી.
૨૦૨૪ ના વચગાળાના બજેટમાં પહેરી કંથ સિલ્કની સાડી, અગાઉ ફેબ્રુઆરી ૨૦૨૪માં તેણે ૨૦૨૪નું વચગાળાનું બજેટ રજૂ કરતી વખતે વાદળી સાડી પહેરી હતી. આ સાડી બંગાળના કાંતા સિલ્ક ફેબ્રિકમાં હતી અને બજેટમાં પણ તેણે અહીંના ફિશિંગ સેક્ટર માટે ખાસ જાહેરાત કરી હતી જેને બ્લુ ઈકોનોમી કહેવામાં આવે છે.
બજેટ ૨૦૨૩માં ઈલકલ સિલ્કની સાડી પહેરી હતી. ૨૦૨૩ માં, તેણીએ મંદિરની બોર્ડર સાથે ઇલ્કલ સિલ્ક સાડી પહેરી હતી જે લાલ રંગની હતી. આ સાડી કર્ણાટક ધારવાડ પ્રદેશ સાથે સંકળાયેલી છે અને તે વર્ષે તેણે કર્ણાટક માટે કેટલીક ખાસ જાહેરાત કરી હતી.
બજેટ ૨૦૨૨માં બોમકાઈ સાડી. સીતારમણે ૨૦૨૨માં બજેટ રજૂ કરતી વખતે બ્રાઉન બોમકાઈ સાડી પહેરી હતી. આ સાડી ઓડિશાના ગંજમ જિલ્લાની હેન્ડલૂમ આર્ટવર્ક છે. આ વર્ષે બજેટમાં કેટલીક ખાસ જાહેરાતો કરવામાં આવી હતી.
બજેટ ૨૦૨૧માં પોચમપલ્લી સાડી પહેરી હતી, ૨૦૨૧ માં તેણીએ હૈદરાબાદના પોચમપલ્લી ગામની ઓફ-વ્હાઈટ પોચમપલ્લી સાડી પહેરી હતી જે તેની અનન્ય પેટર્ન માટે જાણીતી છે. આ વર્ષના બજેટમાં આ રાજ્ય માટે કેટલીક મદદરૂપ જાહેરાતો કરવામાં આવી હતી.
બજેટ ૨૦૨૦માં પીળી સિલ્ક સાડી પહેરી હતી, ૨૦૨૦ માં, તેણે બજેટ રજૂ કરવા માટે પીળી સિલ્કની સાડી પહેરી હતી. પીળો રંગ ભારતની સમૃદ્ધિનું પ્રતીક માનવામાં આવે છે અને તેની સાડીને ભારતની સમૃદ્ધ સંસ્કૃતિ અને તેની સમૃદ્ધિના પ્રતીક તરીકે જોવામાં આવે છે. તે વર્ષનું બજેટ દેશની સમૃદ્ધ સંસ્કૃતિ અને સમૃદ્ધિ સાથે જોડાયેલું હતું.
બજેટ ૨૦૧૯માં પિન્ક મંગલાગીરી સાડી પહેરી હતી, ૨૦૧૯ માં, સીતારામન ગોલ્ડન બોર્ડરવાળી ગુલાબી મંગલાગીરી સાડી પહેરેલી જોવા મળી હતી. આ સમય દરમિયાન, તેમણે દરેક રાજ્ય અને દરેક પ્રદેશમાંથી હેન્ડલૂમ અને એમ્બ્રોઇડરીને પ્રોત્સાહન આપીને દેશ માટે મોટી જાહેરાતો કરી હતી.