શેખ હસીનાના પતન પછી બાંગ્લાદેશમાં અનેક સંકટ એકસાથે આવી ગયા છે. આ મુદ્દાઓને ઉકેલવા માટે દેશની વચગાળાની સરકારને ઘણો સંઘર્ષ કરવો પડી રહ્યો છે. ક્યારેક એક યા બીજા મુદ્દે દેશમાં હંગામો થાય છે, ક્યારેક ખાનગી ટ્રેનોમાં તો ક્યારેક સલાહકારોની નિમણૂકને લઈને. તાજેતરમાં ગારમેન્ટ ફેક્ટરીઓના કામદારોએ પગાર ન મળવાના વિરોધમાં ઢાકા-મૈમનસિંહ હાઈવે ત્રણ દિવસ માટે બ્લોક કર્યો હતો.
અધિકારીઓની સમજાવટ બાદ મજૂરોએ હાઈવે પરથી પોતાનો વિરોધ પાછો ખેંચી લીધો છે. અધિકારીઓએ તેમને ૩૦ નવેમ્બર સુધીમાં બાકી પગાર ચૂકવવાની ખાતરી આપી છે. મંગળવારે સવારે, સદર ઉપજિલ્લા નિર્બાહી અધિકારી (યુએનઓ) ઇર્શાદ મિયાએ જણાવ્યું હતું કે ફેક્ટરી માલિકો, મજૂર પ્રતિનિધિઓ અને શ્રમ મંત્રાલયના સચિવ એએચએમ સફીકુઝમાન વચ્ચે ત્રિપક્ષીય બેઠક બાદ સોમવારે રાત્રે ૧૦ઃ૩૦ વાગ્યે હાઇવે ખોલવામાં આવ્યો છે. બેઠકમાં અધિકારીઓએ ખાતરી આપી છે કે બાકી પગારનો પ્રથમ હપ્તો આવતા રવિવારે આપવામાં આવશે, જ્યારે બાકીની રકમ ૩૦ નવેમ્બર સુધીમાં ચૂકવવામાં આવશે.
દેશમાં ચાલી રહેલી અસ્થિરતાને કારણે ઘણી કંપનીઓના બિઝનેસને અસર થઈ છે. બાંગ્લાદેશમાં કપડાનો વ્યવસાય મોટા પાયે થાય છે અને વિશ્વની ઘણી જાણીતી કંપનીઓ અહીંથી તેમનું ઉત્પાદન કરે છે. સરકાર ્દ્ગઢ એપેરલ્સને લોન તરીકે કુલ ૧૬ કરોડ રૂપિયા આપશે. તેમાંથી ૬ કરોડ રૂપિયા કેન્દ્રીય ભંડોળમાંથી આવશે અને તેનો ઉપયોગ પગારનો પ્રથમ હપ્તો ચૂકવવા માટે કરવામાં આવશે. બાકીના ૧૦ કરોડ ટાકા નાણાં મંત્રાલય આપશે, જેનો ઉપયોગ બાકીની રકમ ચૂકવવા માટે કરવામાં આવશે. કારખાનાના માલિકો બાદમાં આ રકમ સરકારને પરત કરશે.
આ ઉપરાંત ડિસેમ્બરથી ફેક્ટરી પોતાની કમાણીમાંથી કામદારોને નિયમિત પગાર ચૂકવશે. લગભગ ૨ હજાર કામદારોએ પગારની માંગ સાથે વિરોધમાં ભાગ લીધો હતો. વિરોધ પ્રદર્શન દરમિયાન કામદારોએ ઢાકા-મૈમનસિંહ હાઈવે બ્લોક કરી દીધો હતો, જેના કારણે હાઈવે પર વાહનોની લાંબી કતારો લાગી ગઈ હતી. નારાયણગંજ મ્જીઝ્રૈંઝ્રના અધિકારી મુસ્તફિઝુર રહેમાને જણાવ્યું હતું કે આ વિસ્તારમાં ઓછામાં ઓછા ૪૩૨ ફેક્ટરીઓ છે, જેમાંથી મોટા ભાગના વિરોધને કારણે બંધ છે.