ભારત અને અમેરિકા વચ્ચે સંરક્ષણ વેપાર સતત વધી રહ્યો છે. ભારત અમેરિકા પાસેથી લેટેસ્ટ ટેક્નોલોજીથી સજ્જ કિલર ડ્રોન ખરીદવા જઈ રહ્યું છે. આ ડીલને વડાપ્રધાન નરેન્દ્ર મોદી અને રાષ્ટ્રપતિ જાે બિડેને ફાઈનલ કરી છે. ભારત અમેરિકા પાસેથી ૩૧ સ્ઊ-૯મ્ (૧૬ સ્કાય ગાર્ડિયન અને ૧૫ સી ગાર્ડિયન) રિમોટલી પાઇલોટેડ એરક્રાફ્ટ ડ્રોન ખરીદવા જઈ રહ્યું છે.
આ ડ્રોનની કિંમત લગભગ ૩ અબજ ડોલર છે. ગયા વર્ષે જૂનમાં, સંરક્ષણ મંત્રાલયે યુએસ પાસેથી હવા-થી-સરફેસ મિસાઇલો અને લેસર-ગાઇડેડ બોમ્બથી સજ્જ સ્ઊ-૯મ્ સ્કાય ગાર્ડિયન અને સી ગાર્ડિયન સશસ્ત્ર ડ્રોનની ખરીદીને મંજૂરી આપી હતી. મોદી અને બિડેને ભારત-યુએસ ડિફેન્સ ઈન્ડસ્ટ્રીયલ કોઓપરેશન રોડમેપની પ્રશંસા કરી હતી. આ રોડમેપ હેઠળ, જેટ એન્જિન, દારૂગોળો અને ગ્રાઉન્ડ મોબિલિટી સિસ્ટમ્સ જેવા ભારે સાધનો અને હથિયારોના ઉત્પાદનનો સમાવેશ કરવામાં આવ્યો છે.
આ મહત્વપૂર્ણ સહયોગમાં દરિયાઈ સુરક્ષાને વધારવા માટે લિક્વિડ રોબોટિક્સ અને ભારતના દરિયાઈ સંરક્ષણ ઈજનેરી અને માનવરહિત સપાટી પરના વાહનોના ઉત્પાદન પર પણ ભાર મૂકવામાં આવ્યો હતો.
ક્વોડ કોન્ફરન્સ બાદ બંને નેતાઓએ દ્વિપક્ષીય બેઠક યોજી હતી. આ બેઠકમાં બંને નેતાઓએ ભારત-અમેરિકા ભાગીદારીને ખૂબ જ મજબૂત ગણાવી હતી. બંને નેતાઓએ પરસ્પર હિતના ક્ષેત્રોમાં દ્વિપક્ષીય ભાગીદારીને વધુ ગાઢ બનાવવાની રીતો પર ચર્ચા કરી. બેઠકમાં ઈન્ડો-પેસિફિક ક્ષેત્ર સહિત વૈશ્વિક અને પ્રાદેશિક મુદ્દાઓ પર ચર્ચા કરવામાં આવી હતી. દ્વિપક્ષીય બેઠકમાં રશિયા-યુક્રેન યુદ્ધ અને મોદીની તાજેતરની યુક્રેન મુલાકાત અંગે ચર્ચા કરવામાં આવી હતી.
મીટિંગમાં, બંને નેતાઓએ યુએસ-ભારત સીઈઓ ફોરમની સહ-અધ્યક્ષતા બે કંપનીઓ લોકહીડ માર્ટિન અને ટાટા એડવાન્સ્ડ સિસ્ટમ્સ લિમિટેડ વચ્ચે ઝ્ર-૧૩૦ત્ન સુપર હર્ક્યુલસ એરક્રાફ્ટ પર ટીમિંગ કરારની પ્રશંસા કરી. આ કરાર ઝ્ર-૧૩૦ સુપર હર્ક્યુલસ એરક્રાફ્ટનું સંચાલન કરતા ભારતીય કાફલા અને વૈશ્વિક ભાગીદારોની તૈયારીને સમર્થન આપવા માટે ભારતમાં નવી જાળવણી, સમારકામ અને ઓવરહોલ (સ્ઇર્ં) સુવિધા સ્થાપિત કરશે. યુએસ-ભારત સંરક્ષણ અને એરોસ્પેસ સહયોગમાં આ એક મહત્વપૂર્ણ પગલું છે. આ બંને પક્ષોના વ્યૂહાત્મક અને તકનીકી ભાગીદારી સંબંધોને પ્રગાઢતા દર્શાવે છે.