કેદારનાથ ધામના શિવપુરીના માર્ગ પર વાદળ ફાટવાના કારણે ૪૮ ભક્તો રસ્તામાં જ અટવાયા હતા. શુક્રવારે હેલિકોપ્ટર દ્વારા તમામ શ્રદ્ધાળુઓને સુરક્ષિત રીતે બચાવી લેવામાં આવ્યા હતા.બુધવારે રાત્રે કેદારનાથ ધામના પદયાત્રાના માર્ગ પર વાદળ ફાટવાના કારણે માર્ગનો લગભગ ૩૦ મીટરનો ભાગ ધોવાઈ ગયો હતો.જાે કે હજુ પણ ૩૦૦૦ લોકો કેદારનાથ પદયાત્રાના માર્ગ પર ફસાયેલા હોવાની માહિતી છે.
કેદારનાથ જવાના માર્ગ પર હજારો ભક્તો હજુ પણ અટવાયેલા છે. જેના પગલે NDRF, DDRF જવાનોએ બચાવ કામગીરી હાથ ધરી હતી. બચાવમાં હેલિકોપ્ટરની પણ મદદ લેવામાં આવી રહી છે.મળતી માહિતી મુજબ શિવપુરી જિલ્લાના બદરવાસ શહેરમાં રહેતા લગભગ ૫૦ શ્રદ્ધાળુઓ ચાર ધામ યાત્રાની સાથે બદ્રીનાથમાં આયોજિત ભાગવત કથામાં ભાગ લેવા માટે નીકળ્યા હતા. બદરવાસની માતા ભુવનેશ્વરી રામાયણ સેવા સમિતિ દ્વારા ૪ જુલાઈથી બદ્રીનાથ ધામ ખાતે આ ભાગવત કથાનું આયોજન કરવામાં આવનાર હતું.
બદરવાસ નિવાસી પંડિત શ્રી કૃષ્ણ ગોપાલ મહારાજ પણ આ ભાગવત કથાનું પઠન કરવા જતા હતા. જેના કારણે ૫૦ શ્રદ્ધાળુઓ અને ૧૦ લોકો ભોજન વગેરે માટે પાંચ દિવસ પહેલા બાદરવાસ જવા રવાના થયા હતા.મળતી માહિતી મુજબ, આ પહેલા કથાકાર પંડિત કૃષ્ણ ગોપાલ શર્મા, કૃપા સિંહ યાદવ, સુશીલ બંસલ, શ્યામ સોની, રાધે ચૌધરી, વિષ્ણુ સિંઘલ, વિનોદ ગોયલ સહિત કુલ ૪૮ શ્રદ્ધાળુઓએ બુધવારે સવારે ૫ વાગ્યે કેદારનાથની યાત્રા શરૂ કરી હતી. . તમામ શ્રદ્ધાળુઓ બુધવારે સાંજે પાંચ વાગ્યે કેદારનાથ ધામ પહોંચ્યા હતા.દર્શન કર્યા બાદ શુક્રવારે સવારે ૪ વાગે તમામ ભક્તો પરત રવાના થયા હતા.
પરંતુ વાદળ ફાટવાને કારણે રસ્તો બંધ થવા અંગે તેમને જાણ કરવામાં આવી ન હતી. જેના કારણે તમામ ભક્તો માર્ગમાં અટવાઈ પડ્યા હતા. આ પછી બધા ગૌરી કુંડ જવા રવાના થયા. અહીંથી તમામ શ્રદ્ધાળુઓને હેલિકોપ્ટર દ્વારા બચાવી લેવાયા હતા. તમને જણાવી દઈએ કે તમામ ૪૮ ભક્તો રામપુરની એક હોટલમાં રોકાયા છે. જ્યાંથી તમામ શ્રદ્ધાળુઓ બદ્રીનાથ ધામ જવા રવાના થશે.