ભારતમાં ઘણી વખત ‘એજ ફ્રોડ’ એટલે કે વિવિધ રમતોમાં ખોટી ઉંમર બતાવીને રમવાના કિસ્સાઓ નોંધાયા છે. આ સમસ્યા ઘણા વર્ષોથી ચાલી રહી છે, જેના કારણે ઘણા ખેલાડીઓને યોગ્ય તકો મળતી નથી. આ સમસ્યા ભારતીય ક્રિકેટમાં સૌથી વધુ છે, જે સ્થાનિક ક્રિકેટના દરેક સ્તરે જાેવા મળે છે. કેટલાક ખેલાડીઓને આ માટે સજા પણ થઈ છે પરંતુ આજ સુધી કોઈએ આ વાતનો ખુલ્લેઆમ સ્વીકાર કર્યો નથી. હવે ટીમ ઈન્ડિયાના પૂર્વ સ્પિનર અમિત મિશ્રાએ ‘એજ ફ્રોડ’ કર્યો હોવાની વાત સ્વીકારી છે અને કહ્યું છે કે તેના કોચે તેની ક્રિકેટ કારકિર્દી શરૂ કરવા માટે આવું કર્યું હતું. અમિત મિશ્રા હાલમાં એક યુટ્યુબ ચેનલને આપેલા ઈન્ટરવ્યુના કારણે ચર્ચામાં છે. આ ઈન્ટરવ્યુમાં પૂર્વ સ્પિનરે ઘણા મુદ્દાઓ વિશે વાત કરી, જેમાં તે વિરાટ કોહલી, રોહિત શર્મા અને શુભમન ગિલને લઈને તેના નિવેદનોને કારણે હેડલાઈન્સમાં છે.
આ ઈન્ટરવ્યુમાં અમિત મિશ્રાએ એવો ખુલાસો પણ કર્યો હતો, જે કોઈ ક્રિકેટર કેમેરા સામે આ રીતે નથી કરતો. અમિત મિશ્રાએ કબૂલ્યું હતું કે તેણે પણ એજ ફ્રોડ કરી હતી અને તેની વાસ્તવિક ઉંમર કરતાં નાની હોવાનો ઢોંગ કરીને ક્રિકેટ રમ્યો હતો. ટીમ ઈન્ડિયા માટે ટેસ્ટ અને વનડેમાં ઘણી મેચ રમી ચૂકેલ અમિત મિશ્રા હાલ ૪૧ વર્ષનો છે, પરંતુ આ લેગ સ્પિનરે કહ્યું કે તેની અસલી ઉંમર અલગ છે. રોહિત શર્મા સાથે ૈંઁન્ મેચ દરમિયાન ઉંમરને લઈને થયેલી મજાકનો ઉલ્લેખ કરતા અનુભવી બોલરે ખુલ્લેઆમ કહ્યું કે તેની ઉંમરમાં એક વર્ષનો એજ ફ્રોડ છે અને આ બધુ તેના કોચે કર્યું છે.
આ તે સમય હતો જ્યારે મિશ્રાએ ટીમ ઈન્ડિયા માટે ડેબ્યૂ પણ કર્યું ન હતું. ઈન્ટરવ્યુમાં મિશ્રાએ જણાવ્યું કે ઘરમાં ઘણી સમસ્યાઓ ચાલી રહી હતી અને તેણે પરિવાર પાસે ક્રિકેટ રમવા માટે માત્ર એક વર્ષનો સમય માંગ્યો હતો. આવી સ્થિતિમાં તેના કોચે કહ્યું કે અંડર-૧૯ રમવાની આ તેની છેલ્લી તક છે અને તેથી તે આજથી એક વર્ષ નાનો બની ગયો છે. મિશ્રાએ પણ કહ્યું કે ક્રિકેટમાં ઉંમર ઓછી બતાવવાનો ફ્રોડ સામાન્ય છે અને ઘણા મોટા ખેલાડીઓએ આ કર્યું છે.
મિશ્રાએ ૨૨ વર્ષની ઉંમરે ટીમ ઈન્ડિયા માટે ડેબ્યૂ કર્યું હતું. તેણે ૨૦૦૩માં દક્ષિણ આફ્રિકા સામે ર્ંડ્ઢૈં ક્રિકેટથી તેની આંતરરાષ્ટ્રીય કારકિર્દીની શરૂઆત કરી અને પછીના કેટલાક વર્ષોમાં ત્રણેય ફોર્મેટમાં ટીમમાં જગ્યા બનાવી. જાે કે, તે ક્યારેય સતત રમી શક્યો ન હતો અને ઘણીવાર તેને ટીમની બહાર થવું પડ્યું હતું. એકંદરે, મિશ્રાએ ૨૨ ટેસ્ટ મેચ રમી, જેમાં ૭૬ વિકેટ લીધી, જ્યારે તેણે ૩૬ ર્ંડ્ઢૈં મેચોમાં ૬૪ વિકેટ લીધી. આ સિવાય ૧૦ ્૨૦ મેચમાં ૧૬ વિકેટ પણ અમિત મિશ્રાના નામે છે.