પાલનપુર ખાતે મહિલા અને બાળ વિકાસ વિભાગના સચિવ રાકેશ શંકર આચાર્યની અધ્યક્ષતામાં પોષણ સંગમ વર્કશોપનું આયોજન કરવામાં આવ્યું.
આ કાર્યક્રમમાં બનાસકાંઠા જિલ્લા વિકાસ અધિકારી એમ.જે.દવે પણ ઉપસ્થિત રહ્યા હતા.
સચિવ આચાર્યે પોષણ સંગમની વિસ્તૃત માહિતી આપી હતી. તેમણે જણાવ્યું કે પોષણ સંગમ એક એવું પ્લેટફોર્મ છે જ્યાં પોષણ સંબંધિત સકારાત્મક પ્રવૃત્તિઓ અને અભિગમોની આપ-લે થાય છે.
તેમણે બનાસકાંઠા જિલ્લાની મુખ્ય સેવિકાઓની કામગીરીને બિરદાવી હતી. આ સેવિકાઓ દૂરના ગામડાઓમાં જઈને કુપોષણ વિરુદ્ધ કાર્ય કરે છે.
જિલ્લા વિકાસ અધિકારી દવેએ કુપોષિત બાળકોની દેખરેખ અંગે માર્ગદર્શન આપ્યું હતું.
ઉત્તર ગુજરાત ઝોનના પ્રાદેશિક નાયબ નિયામક ઇલાબા રાણાએ બનાસકાંઠામાં કુપોષણની સ્થિતિ અંગે પ્રેઝન્ટેશન આપ્યું હતું.
કાર્યક્રમમાં જિલ્લા આરોગ્ય અધિકારી, આઈ.સી.ડી.એસ વિભાગના અધિકારીઓ, તાલુકા હેલ્થ ઓફિસર અને મુખ્ય સેવિકાઓ હાજર રહ્યા હતા.
આઈ.સી.ડી.એસ જિલ્લા પ્રોગ્રામ અધિકારી ઉષાબેન ગજ્જરે આભારવિધિ કરી હતી.