પોલીસ અધિક્ષકશ્રી સંજય ખરાત સાહેબ દ્વારા શ્રીમતી શાંતાબેન હરીભાઈ ગજેરા શૈક્ષણિક સંકુલ ખાતે વિદ્યાર્થીનીઓ માટે સાયબર ક્રાઈમ જાગૃતિ સેમિનારનું આયોજન કરવામાં આવેલ.
શ્રી ગૌતમ પરમાર સાહેબ, પોલીસ મહાનિરિક્ષકશ્રી ભાવનગર વિભાગ, ભાવનગરનાઓની સુચના અને માર્ગદર્શન હેઠળ અમરેલી પોલીસ અધિક્ષકશ્રી સંજય ખરાત સાહેબનાઓ દ્વારા અમરેલી જિલ્લામાં સાયબર ક્રાઇમ અંગે લોકોમાં જાગૃતિ/અવેરનેસ ફેલાવવા તા.૧૪/૦૭/૨૦૨૫ ના રોજ શ્રીમતી શાંતાબેન હરીભાઇ ગજેરા શૈક્ષણિક સંકુલ અમરેલી ખાતે આયોજન કરવામાં આવ્યુ. જેમાં શ્રી ચિરાગ દેસાઇ સાહેબ, નાયબ પોલીસ અધિક્ષક, અમરેલી વિભાગ, અમરેલી, શ્રી ડી.કે.વાઘેલા પોલીસ ઇન્સપેક્ટર અમરેલી સીટી, શ્રી ઓ.કે.જાડેજા પોલીસ ઇન્સપેક્ટર અમરેલી તાલુકા તથા શ્રી જે.એમ.કડછા પોલીસ સબ ઇન્સપેક્ટર સાયબર ક્રાઇમ પોલીસ સ્ટેશનનાઓ હાજર રહ્યા હતા.
અમરેલી પોલીસ અધિક્ષકશ્રી સંજય ખરાત સાહેબનાઓના મુખ્ય અતિથિ સ્થાને, તા.૧૪/૦૭/૨૦૨૫ના રોજ અમરેલી જિલ્લા લેઉવા પટેલ ટ્રસ્ટ સંચાલિત પટેલ સંકુલ ખાતે વિદ્યાર્થીનીઓને સાયબર ક્રાઇમ પ્રિવેન્શન લગત માહિતી આપવા માટે સાયબર ક્રાઇમ અવરનેસ કાર્યક્રમનું આયોજન કરવામાં આવેલ.
અમરેલી પોલીસ અધિક્ષકશ્રી સંજય ખરાત સાહેબનાઓ દ્વારા, વિદ્યાર્થીનીઓને હાલમાં બની રહેલ સાયબર ક્રાઇમ ફ્રોડ જેવા કે, ન્યુડ વીડીયો કોલ, “.apk” ફાઇલ ફ્રોડ, ઉંચા વળતરના નામે થતા ઇન્વેસ્ટમેન્ટ ફ્રોડ વગેરેથી બચવા અંગે માર્ગદર્શન આપેલ. આ ઉપરાંત સાયબર ફ્રોડના મુળભુત ત્રણ કારણો એવા ડર, લાલચ અને આળસથી બચવા માટે ભારપુર્વક સુચના આપવામાં આવેલ. કાર્યક્રમના અંતે સાયબર જાગૃતિ પત્રિકાઓનુ વિતરણ કરવામા આવેલ.
આ ઉપરાંત અમરેલી જીલ્લાના તમામ નાગરિકોને સાયબર ક્રાઈમથી સુરક્ષીત રહેવા માટે અપીલ કરવામાં આવે છે.
*સાયબર ક્રાઈમથી બચવા આટલું ધ્યાનમાં રાખો*
=>કોઇપણ બેંક મેનેજર એટીએમ બંધ થવા સંબંધે ક્યારેય ફોન કરતા જ નથી.
=>કોઇ બેંક કે એટીએમ સંબંધે અજાણ્યા ફોન આવે ત્યારે કોઇને બેંકની ડીટેઈલ, એટીએમ કાર્ડ ડીટેઈલ કે ઓટીપી નંબર આપવો નહી.
=>એટીએમ રૂમમાં એટીએમ કાર્ડ દાખલ કરો છો તે સ્લોટ ડુપ્લીકેટ લગાવેલ છે કે નહી ચેક કરી લેવો, તેમજ પાસવર્ડ જુએ નહી તે સારૂ એટીએમ રૂમમાં અન્ય કોઇ વ્યક્તિને પ્રવેશ થવા દેવા નહી.
=>મોબાઇલ ઇનબોક્ષમાં પૈસા જમા કે કપાતનો કોઇ ફ્રોડ મેસેજ આવે તો બેંક સિવાય ક્યાંય ખરાઇ કરવી નહી.
=>કૌન બનેગા કરોડપતિ કે અન્ય કોઇ લોટરીના નામે ક્યારેય પૈસા ભરવા નહી.
=>અજાણ્યા ફોન દ્વારા આધારકાર્ડ અપડેટ કે મોબાઇલ સીમકાર્ડ વેરીફીકેશન કરવાના બહાને કોઇ માહિતી શેર કરવી નહી.
=>ઓછા વ્યાજદરની લોન કે લોભામણી જાહેરાત માટે ક્યારેય કોઇ લીંકમાં પર્સનલ માહિતી સબમીટ કરવી નહી.
=>નોકરી આપવાની જાહેરાત માટે કોઇ વેબસાઇટમાં બાયોડેટા કે બેંક ડીટેલ સબમીટ કરવી નહી.
=>OLX વેબસાઇટમાં ઓનલાઇન વાહન ખરીદી જેવા કિસ્સાઓમાં કોઇ આર્મી તરીકેની ઓળખ આપી ફ્રોડ કરતા હોય છે, ત્યારે ઓનલાઇન પેમેન્ટ કરવું જ નહી.
=>ગુગલ વેબસાઇટમાં ક્યારેય ગુગલ-પે, ફોન-પે, પેટીએમ કે અન્ય એપ્લીકેશનના કસ્ટમર કેર નંબર સર્ચ કરવા નહી. જે તે એપ્લીકેશનમાં જ કસ્ટમર કેર નંબર દર્શાવેલ હોય છે.
=>મોબાઇલ ટાવરના બહાને ફેક લેટરપેડ મોકલી ખોટી લાલચ આપતી ટોળકીથી સાવધ રહો.
=>ફેસબુક, જી-મેઇલ જેવા સોશ્યલ મિડીયામાં એકાઉન્ટ સેટીંગ અને પાસવર્ડ સિક્યુરિટી સ્ટ્રોન્ગ રાખવી.
*યાદ રાખો સાયબર ક્રાઇમ હેલ્પલાઇન નંબર- 1930*
