ઉનાના ધારાસભ્ય કાળુભાઈ રાઠોડે આગામી ચોમાસાને ધ્યાનમાં રાખીને ગ્રામ્ય વિસ્તારોની મુલાકાત લીધી હતી.
તેઓ તાલુકાના પશવાળા ગામે પહોંચ્યા હતા. આ મુલાકાત દરમિયાન આજુબાજુના ગામોના સરપંચો ઉપસ્થિત રહ્યા હતા.
સરપંચ ભીમાભાઈ જાદવ, રાવતભાઈ ગોહિલ અને ભરતભાઈ ગોહિલ સહિત ગ્રામજનોની હાજરીમાં રોડ-રસ્તાની સ્થિતિનું નિરીક્ષણ કરવામાં આવ્યું હતું.
ધારાસભ્યએ સ્થળ પર જ વિકાસ કામોની સમીક્ષા કરી હતી. તેમણે પરિસ્થિતિની પ્રત્યક્ષ માહિતી મેળવી હતી.
ચોમાસા દરમિયાન ગ્રામ્ય વિસ્તારના લોકોને મુશ્કેલી ન પડે તે માટે તંત્રને જરૂરી સૂચનાઓ આપવામાં આવી હતી.
આ મુલાકાત દરમિયાન ગ્રામજનોએ પણ તેમની સમસ્યાઓ રજૂ કરી હતી.
