ઉનાના સામતેર ગામમાં એક પિતાની અંતિમયાત્રામાં તેમની ચાર પુત્રીઓએ સમાજમાં નવી મિસાલ કાયમ કરી છે.
હિરાભાઈ સુરાભાઈ ચૌહાણના અવસાન બાદ તેમની ચારેય પુત્રીઓએ અર્થીને કાંધ આપી અને સ્મશાન સુધી લઈ જઈને અંતિમ સંસ્કાર કર્યા.
હિરાભાઈને કોઈ પુત્ર ન હોવાથી તેમની ચારેય પુત્રીઓએ આગળ આવીને પુત્રની ફરજ નિભાવી.
તેમની પુત્રીઓએ માત્ર અર્થીને કાંધ જ નહીં આપી, પરંતુ અંતિમ સંસ્કારની તમામ વિધિઓમાં પણ ભાગ લીધો. આ પ્રસંગે તેમના જમાઈઓ પણ હાજર રહ્યા હતા.
આ ઘટનાએ સમાજમાં પુત્ર અને પુત્રી વચ્ચેના ભેદભાવને તોડવાનો સંદેશ આપ્યો છે.
સ્મશાનયાત્રા દરમિયાન ઉપસ્થિત લોકોમાં ગમગીની છવાઈ ગઈ હતી, પરંતુ સાથે જ પુત્રીઓના આ સાહસિક પગલાંની પ્રશંસા પણ થઈ હતી.
આ ઘટના સમાજમાં બદલાતા સમયની સાક્ષી બની રહી છે, જ્યાં પુત્રીઓ પણ પુત્રની જેમ તમામ ફરજો નિભાવી શકે છે.