બનાસકાંઠા જિલ્લા પુરવઠા વિભાગે રેશનકાર્ડધારકોને e-KYC કરાવવા માટે અપીલ કરી છે. રેશનકાર્ડમાં નોંધાયેલા તમામ નાગરિકોએ e-KYC કરાવવું ફરજિયાત છે.
નાગરિકો વિવિધ સ્થળોએથી e-KYC કરાવી શકે છે. આમાં ગ્રામ પંચાયત ખાતે વી.સી.ઇ., સ્થાનિક પોસ્ટ વિભાગના કર્મચારી અને મામલતદાર કચેરીનો સમાવેશ થાય છે.
વ્યાજબી ભાવની દુકાન પરથી પણ આ સુવિધા ઉપલબ્ધ છે.
નાગરિકો ઘરે બેઠા My Ration એપ દ્વારા સેલ્ફ e-KYC પણ કરી શકે છે. જે લોકોએ e-KYC કરાવ્યું છે, તેમને જ વ્યાજબી ભાવની દુકાનેથી અનાજનો જથ્થો મળશે.
જિલ્લા પુરવઠા અધિકારી, બનાસકાંઠાએ જણાવ્યું કે જે રેશનકાર્ડધારકોનું e-KYC બાકી છે તેમણે તાત્કાલિક આ પ્રક્રિયા પૂર્ણ કરવી જોઈએ.
તમામ નિર્ધારિત સ્થળો પર e-KYCની કામગીરી નિયમિત ચાલુ છે.