ખેડા જિલ્લાના મહેમદાવાદ તાલુકાની વિવિધ સરકારી પ્રાથમિક શાળાઓમાંથી 17 શિક્ષકો 58 વર્ષની વયમર્યાદા પૂર્ણ થતાં નિવૃત્ત થયા છે.
આ પ્રસંગે તાલુકાની શિક્ષણ ટીમ અને બીઆરસી ભવન મહેમદાવાદ તરફથી તેમને વિશેષ શુભેચ્છાઓ પાઠવવામાં આવી હતી.
નિવૃત્ત થયેલા શિક્ષકોએ તેમની કારકિર્દી દરમિયાન શાળાઓમાં ઉત્કૃષ્ટ કામગીરી કરી છે.
તેમણે વિદ્યાર્થીઓના શૈક્ષણિક વિકાસ ઉપરાંત સહ-અભ્યાસિક પ્રવૃત્તિઓમાં પણ મહત્વપૂર્ણ યોગદાન આપ્યું છે.
શિક્ષણ વિભાગના તમામ કાર્યક્રમોમાં તેમની સક્રિય ભાગીદારી રહી છે. તાલુકા શિક્ષણ પરિવારે નિવૃત્ત થયેલા શિક્ષકોના સ્વસ્થ અને સુખી જીવન માટે શુભકામનાઓ વ્યક્ત કરી હતી.
તેમના યોગદાન માટે શિક્ષણ પરિવાર હંમેશા તેમને યાદ રાખશે.
