ગુજરાત હાઈકોર્ટને બોમ્બથી ઉડાવી દેવાની ધમકી મળતા પોલીસ તંત્રમાં ભારે દોડધામ મચી ગઈ છે. હાઈકોર્ટના ઈ-મેઈલ પર આ ધમકી મોકલવામાં આવી હતી. આ ધમકી ભરેલો ઈ-મેલ મળ્યો છે, જેના કારણે સરખેજ-ગાંધીનગર હાઈવે પર આવેલા હાઈકોર્ટ પરિસરમાં હડકંપ મચી ગયો છે. આ બે મહિનામાં ત્રીજી વખત છે જ્યારે હાઈકોર્ટને આવી ધમકી મળી હોય. અજાણી વ્યક્તિ દ્વારા મોકલવામાં આવેલા આ ઈ-મેલની જાણ હાઈકોર્ટના રજીસ્ટ્રાર દ્વારા સોલા પોલીસને કરવામાં આવી હતી. ધમકીની ગંભીરતાને ધ્યાનમાં રાખીને અમદાવાદ શહેર પોલીસ, બોમ્બ ડિટેક્શન એન્ડ ડિસ્પોઝલ સ્ક્વોડ (BDDS)અને ડોગ સ્ક્વોડે તાત્કાલિક હાઈકોર્ટ પરિસરમાં પહોંચીને સઘન તપાસ શરૂ કરી છે.
સોલા પોલીસ સ્ટેશનના PI કે. એન. ભૂકણએ જણાવ્યું કે, “હાઈકોર્ટના ઓફિશિયલ ઈ-મેલ આઈડી પર ધમકીભર્યો ઈ-મેલ મળ્યો છે. આની જાણ થતાં જ પોલીસ, ડોગ સ્ક્વોડ, અને BDDSની ટીમો સાથે હાઈકોર્ટ પહોંચી ગઈ છે. હાલ તપાસ ચાલી રહી છે અને પરિસરની તમામ જગ્યાઓ, વાહનો, અને બિલ્ડિંગનું સઘન ચેકિંગ કરવામાં આવી રહ્યું છે.” અમદાવાદ સાયબર ક્રાઈમ સેલે પણ ઈ-મેલના મૂળ સ્ત્રોત અને મોકલનારની ઓળખ કરવા માટે તપાસ શરૂ કરી છે. હાઈકોર્ટના તમામ એન્ટ્રી અને એક્ઝિટ ગેટ બંધ કરી દેવામાં આવ્યા છે અને સુરક્ષા વ્યવસ્થા કડક કરવામાં આવી છે.
બે મહિનામાં ત્રીજી ધમકી
આ પહેલાં ૯ જૂન ૨૦૨૫ અને ૨૪ જૂન ૨૦૨૫ના રોજ ગુજરાત હાઈકોર્ટને સમાન બોમ્બ ધમકીઓ મળી હતી, જે પાછળથી ખોટી હોવાનું જાણવા મળ્યું હતું. ૯ જૂનની ઘટનામાં ઈ-મેલમાં દાવો કરવામાં આવ્યો હતો કે હાઈકોર્ટની બિલ્ડિંગમાં ઈમ્પ્રોવાઈઝ્ડ એક્સપ્લોસિવ ડિવાઈસ લગાવવામાં આવ્યું છે, જે સાંજે ફાટશે. આ ધમકી બાદ મુખ્ય ન્યાયાધીશ સુનીતા અગ્રવાલે બપોર બાદની કાર્યવાહી સ્થગિત કરી દીધી હતી. તે ઉપરાંત વકીલો તેમજ કોર્ટના કર્મચારીઓને પરિસર ખાલી કરવા સૂચના આપવામાં આવી હતી. અમદાવાદ અને ગાંધીનગરની છ BDDS ટીમોએ ચાર કલાક સુધી સર્ચ ઓપરેશન હાથ ધર્યું, પરંતુ કોઈ શંકાસ્પદ વસ્તુ મળી નહોતી.
૨૪ જૂનની ધમકીમાં રેની જાેશિલ્ડા નામની વ્યક્તિના ઈ-મેલ આઈડીથી ધમકી આપવામાં આવી હતી, જેમાં ત્રણ RDX-આધારિત IED હાઈકોર્ટમાં લગાવ્યાનો દાવો કરવામાં આવ્યો હતો. આ ઈ-મેલમાં “વીઆઈપી ટાર્ગેટ” અને રાજકીય નામોનો પણ ઉલ્લેખ હતો. તપાસમાં જાણવા મળ્યું કે ચેન્નાઈની એક મહિલા રેની જાેશિલ્ડા, જે એક સ્દ્ગઝ્રમાં એન્જિનિયર હતી. જેના દ્વારા ધમકીઓ મોકલી હતી. તેની ધરપકડ ૨૪ જૂન ૨૦૨૫ના રોજ થઈ હતી. તેણે આ ધમકીઓ વ્યક્તિગત વેરવિખેરને કારણે મોકલી હોવાનું જણાવ્યું હતું.
અગાઉની ધમકીઓ અને તપાસ
૯ જૂન ૨૦૨૫: ગુજરાત હાઈકોર્ટને મળેલા ઈ-મેલમાં ૈંઈડ્ઢ ફાટવાની ધમકી આપવામાં આવી હતી. સોલા પોલીસે હ્લૈંઇ નોંધી અને સાયબર સેલે ઈ-મેલના મૂળની તપાસ શરૂ કરી હતી. તપાસમાં ધમકી ખોટી હોવાનું બહાર આવ્યું.
૨૪ જૂન ૨૦૨૫: રેની જાેશિલ્ડા નામના ઈ-મેલ આઈડીથી ધમકી મળી, જેમાં ઇડ્ઢઠ-આધારિત IED અને વીઆઈપી ટાર્ગેટનો ઉલ્લેખ હતો. તપાસમાં ચેન્નાઈની એક મહિલાની ધરપકડ થઈ, જેણે વ્યક્તિગત કારણોસર આવી ધમકીઓ મોકલી હોવાનું કબૂલ્યું.
૨૦ ઓગસ્ટ ૨૦૨૫: આજની ધમકીની તપાસ હજુ ચાલુ છે અને પોલીસે હાઈકોર્ટના પરિસરમાં સઘન ચેકિંગ હાથ ધર્યું છે. હજુ સુધી કોઈ શંકાસ્પદ વસ્તુ મળી નથી.
અમદાવાદ શહેર પોલીસ અને ગુજરાત એન્ટી-ટેરરિઝમ સ્ક્વોડ ની ટીમો હાઈકોર્ટ પરિસરમાં તૈનાત કરવામાં આવી છે. ૧૦૮ એમ્બ્યુલન્સ અને ફાયર બ્રિગેડની ટીમો પણ કોઈપણ કટોકટી માટે તૈયાર રાખવામાં આવી છે. સોલા પોલીસે આ ઘટના અંગે FIR નોંધી છે. સાયબર ક્રાઈમ સેલ ઈ-મેલના આઈપી એડ્રેસ અને મોકલનારની ઓળખ કરવા માટે ડાર્ક વેબ અને ફઁદ્ગની તપાસ કરી રહી છે.