સાવરકુંડલા રૂરલ પોલીસ સ્ટેશન વિસ્તારના વિજપડી ગામે આવેલ “ગુડલક મોબાઈલ” નામાની મોબાઇલની દુકાનમાંથી આધાર-પુરાવા કે બીલ વગરનાં મોબાઇલ ફોન નંગ-૦૬ કિ.રૂા.૫૪,૦૦૦/- ના મુદ્દામાલ સાથે એક ઈસમને ઝડપી પાડતી અમરેલી એસ.ઓ.જી.ટીમ.
ગૌતમ પરમાર પોલીસ મહાનિરીક્ષક ભાવનગર વિભાગ ભાવનગરનાંઓ દ્વારા તથા અમરેલી પોલીસ અધિક્ષક સંજય ખરાત નાઓએ જિલ્લામાં ગેરકાયદેસર રીતે વેંચાણ થતા મોબાઇલ ફોન તથા ગેરકાયદેસરની પ્રવૃતિ અટકાવવા જરૂરી સુચનાં અને માર્ગદર્શન આપેલ હોય જે અનુસંધાને એસ.ઓ.જી. પોલીસ ઇન્સ્પેક્ટર આર.ડી.ચૌધરી દ્વારા અમરેલી જિલ્લામાં ગેરકાયદેસર મોબાઇલ ફોન જરૂરી આધાર-પુરાવા કે બીલ વગરનાં વેંચાણ કરતા ઈસમોને ઝડપી પાડવા જરૂરી સુચનાં અને માર્ગદર્શન આપેલ હોય જે અન્વયે એસ.ઓ.જી. ટીમ સાવરકુંડલા રૂરલ પોલીસ સ્ટેશન વિસ્તારમાં એ.ટી.એસ. ચાર્ટર લગત પેટ્રોલીંગમાં હતા. તે દરમ્યાન ખાનગી બાતમીરાહે હકિકત મળેલ કે વિજપડી ગામે બસ સ્ટેશન ની બાજુમાં મેઇન રોડ ઉપર “ગુડલક મોબાઇલ” નામની દુકાને બિલ વગરના મોબાઇલનું લે-વેચ થાય છે તેવી ચોક્કસ અને આધારભુત બાતમી હકિકત અન્વયે સદરહું જગ્યાએ રેઇડ કરતા એક ઈસમને બિલ વગરના મોબાઇલ સાથે ઝડપી પાડવામાં સફળતા મળેલ છે.
*પકડાયેલ આરોપી*:-
આરીફભાઇ બીલાલભાઇ ઝાંખરા, ઉ.વ.૨૮, ધંધો.વેપાર, રહે. વીજપડી ધારપાસે, તા. સાવરકુંડલા, જિ.અમરેલી
*કબ્જે કરેલ મુદ્દામાલ*: –
અલગ-અલગ કંપનીના એન્ડ્રોઇડ મોબાઇલ ફોન નંગ-૦૬ જેની કિ.રૂા.૫૪,૦૦૦/- ના મુદ્દામાલ સાથે એક ઈસમને ઝડપી પાડી વધુ તપાસ અર્થે સાવરકુંડલા રૂરલ પોલીસ સ્ટેશન ખાતે સોંપી આપવામાં આવેલ છે.
*આ કામગીરી અમરેલી પોલીસ અધિક્ષક સંજય ખરાત નાઓની સૂચના અને માર્ગદર્શન હેઠળ એસ.ઓ.જી.ટીમના એ.એસ.આઇ. રાધેશ્યામભાઈ દૂધરેજીયા તથા પો.કોન્સ. પ્રવિણસિંહ ચૌહાણ દ્વારા કરવામાં આવેલ છે.*
*અહેવાલ ભાવેશ વાઘેલા અમરેલી*