નડિયાદ શહેરના ઉત્તરસંડા રોડ ઉપર અંબા આશ્રમની સામે આવેલા ગ્રેવિટી મોલમાં બુધવારે સાંજે આગ લાગતા અફરાતફરી મચી ગઈ હતી. જોકે, સદ્દનસીબે આ ઘટનામાં કોઈ જાનહાનિ થઈ નથી. નડિયાદ શહેરના ઉત્તરસંડા તરફ જતા માર્ગ ઉપર નહેર નજીક આંબા આશ્રમની સામે આવેલ ગ્રેવિટી મોલમાં બુધવારે સાંજે આગ લાગતા અફરાતફરી મચી હતી. દુકાનદારો દ્વારા ઘટનાની જાણ નડિયાદ ફાયર બ્રિગેડને કરવામાં આવતા ફાયર ફાઈટરોની ટીમ સ્થળ ઉપર દોડી ગઈ હતી અને આગને કાબુમાં લીધી હતી.
કોમ્પ્લેક્સના વીજ મીટરમાં લાગેલી આગને કારણે કોમ્પ્લેક્સનો વીજ પુરવઠો ખોરવાયો હતો. જેને કારણે અહીં આવેલી રેસ્ટોરન્ટ, કેફે તેમજ જીમમાં આવેલાં લોકો મુશ્કેલીમાં મુકાયા હતા. પ્રાથમિક તપાસમાં આગ શોર્ટ સર્કિટને કારણે લાગી હોવાની શક્યતાઓ વ્યક્ત કરવામાં આવી રહી છે. આગને કાબુમાં લીધા બાદ વીજ પુરવઠો સામાન્ય કરવા માટે વીજ વિભાગ દ્વારા કામગીરી હાથ ધરવામાં આવી હતી. જોકે, મોડી રાત સુધી વીજ પુરવઠો સામાન્ય ન થતાં ધંધાર્થીઓ મુશ્કેલીમાં મુકાયા હતા.