બનાસકાંઠા જિલ્લામાં આજે સવારથી જ ગરમીનો પ્રકોપ જોવા મળી રહ્યો છે. સવારના સમયે તાપમાન 29.6 ડિગ્રી નોંધાયું છે. હવામાન વિભાગના અનુમાન પ્રમાણે બપોર સુધીમાં તાપમાન 39 ડિગ્રી સુધી પહોંચી શકે છે.
રવિવારે મહત્તમ તાપમાન 39.8 ડિગ્રી સુધી પહોંચ્યું હતું. શનિવારે લઘુતમ તાપમાન 29 ડિગ્રી અને મહત્તમ તાપમાન 39 ડિગ્રી નોંધાયું હતું.
મે મહિનામાં કમોસમી વરસાદ બાદ હવામાનમાં નોંધપાત્ર ફેરફાર થયો છે. છેલ્લા દસ દિવસથી દિવસ અને રાત્રિના તાપમાનમાં સતત વધારો નોંધાઈ રહ્યો છે.
હવામાન વિભાગે આગામી દિવસોમાં તાપમાનમાં વધઘટની આગાહી કરી છે. ઉકળાટભર્યા વાતાવરણની અસર લોકોના રોજિંદા જીવન પર જોવા મળી રહી છે.
વિભાગે 25થી 27 મે દરમિયાન કમોસમી વરસાદની આગાહી કરી છે. આ સમયગાળા દરમિયાન ગરમીનું પ્રમાણ યથાવત રહેશે.
ગઈકાલે રાત્રે અમીરગઢ અને ઈકબાલગઢ સહિતના વિસ્તારમાં વરસાદના છાંટા પડ્યા હતા. વહેલી સવારે ભારે ઉકળાટ અનુભવાયો હતો.