પંચમહાલ જિલ્લા પોલીસ દ્વારા સરદાર વલ્લભભાઈ પટેલની 150મી જન્મજયંતિ નિમિત્તે ‘એકતા દિવસ’ની ઉજવણીના ભાગરૂપે ‘રન ફોર યુનિટી’નું આયોજન કરવામાં આવ્યું છે. આ દોડ 31 ઓક્ટોબર, 2025ના રોજ શુક્રવારે સવારે 09:30 કલાકે ગોધરાના વિશ્વકર્મા ચોક ખાતેથી શરૂ થશે.
આ કાર્યક્રમ ‘એક ભારત, શ્રેષ્ઠ ભારત’ના સંદેશને પ્રસારિત કરવાના ઉદ્દેશ્ય સાથે યોજાઈ રહ્યો છે. તેનો મુખ્ય હેતુ રાષ્ટ્રીય એકતા અને અખંડિતતાનો સંદેશો લોકો સુધી પહોંચાડવાનો છે.
પંચમહાલ જિલ્લા પોલીસે ગોધરાના તમામ નાગરિકોને આ એકતા દોડમાં જોડાવવા માટે હાર્દિક આમંત્રણ પાઠવ્યું છે. આ દોડમાં ભાગ લઈને નાગરિકો રાષ્ટ્રીય એકતાના પ્રતીક બની શકે છે.
દોડનો પ્રારંભ વિશ્વકર્મા ચોકથી થશે અને તે સાવલીવાડ, પટેલવાડા, કેસરીયોક, રામસાગર તળાવ, પિમ્પુટકર ચોક, બી ડિવિઝન પોલીસ સ્ટેશન, રણછોડજી મંદિર, રેલવે સ્ટેશન અને રાની મસ્જિદ જેવા મુખ્ય સ્થળો પરથી પસાર થશે.