મૂળી તાલુકામાં અનેક ગામો આજે પણ રસ્તાની સમસ્યાઓ ભોગવી રહ્યા છે. ત્યારે અંદાજે 10 વર્ષ પહેલા સોમાસરથી સાયલા સુધીનો અંદાજે 10 કીમી રોડ પર હાલમાં ઠેર ઠેર ખાડાઓ પડી જતા વાહનચાલકો પરેશાની ભોગવી રહ્યા છે. તંત્ર દ્વારા કાર્યવાહી કરવા માગ કરી રહ્યા છે.
મૂળી તાલુકાનાં ગ્રામ્ય વિસ્તારમાં રોડની સમસ્યા હંમેશા રહી છે. ત્યારે મૂળીનાં સોમાસર સાયલાને જોડતો માર્ગ છેલ્લા કેટલાય સમયથી જર્જરિત હાલતમાં હોવાથી લોકો અનેક પરેશાની ભોગવી રહ્યા છે. આ રોડ પર ઠેર ઠેર ખાડાઓ અને ઉબડખાબડ રસ્તો થઇ જતા અહીં પસાર થતા 4 ગામનાં લોકો પરેશાની ભોગવી રહ્યા છે.
ત્યારે તંત્ર દ્વારા યોગ્ય કાર્યવાહી કરાય તેવી સ્થાનિકો માગ કરી રહ્યા છે. આ અંગે વાહનચાલકો મનોજભાઇ કોળી, હરજીભાઇ સહિતનાઓએ જણાવ્યું હતું કે આ રોડ બનાવ્યાને થોડા સમયમાં જ ઠેર ઠેર ખાડાઓ પડી જતા ભારે સમસ્યા ભોગવવી પડી રહી છે.