થરાદ-ધાનેરા હાઈવે પર ભોરડું બસ સ્ટેન્ડ નજીક ગંભીર અકસ્માત સર્જાયો છે. બે મોટરસાઇકલ વચ્ચે સામસામી ટક્કર થઈ હતી. થરાદ તરફથી આવી રહેલી એક મોટરસાઇકલ અને ભોરડું તરફથી આવી રહેલી બીજી મોટરસાઇકલ ભોરડું બસ સ્ટેન્ડ નજીક સામસામે અથડાઈ હતી.
અકસ્માતમાં બંને મોટરસાઇકલ ચાલકોને ઈજાઓ થઈ હતી. એક ઘાયલ ચાલકને ખાનગી વાહન મારફતે તાત્કાલિક થરાદની હોસ્પિટલમાં ખસેડવામાં આવ્યો હતો. બીજા ઘાયલ ચાલકને 108 એમ્બ્યુલન્સ દ્વારા સરકારી હોસ્પિટલમાં સારવાર માટે લઈ જવામાં આવ્યો હતો.અકસ્માતની જાણ થતાં ઘટનાસ્થળે મોટી સંખ્યામાં લોકો એકત્રિત થયા હતા.