મહારાષ્ટ્રના મુખ્યમંત્રી દેવેન્દ્ર ફડણવીસે રાજ ઠાકરેનો આભાર માન્યો છે કે તેમણે લગભગ બે દાયકા પછી અલગ થયેલા ઠાકરે પિતરાઈ ભાઈઓ, ઉદ્ધવ અને રાજને એક કરવા માટે શ્રેય આપ્યો. તાજેતરના રાજકીય વિકાસ પર બોલતા, ફડણવીસે મુંબઈમાં તેમની સરકારની સિદ્ધિઓની તુલના ઠાકરે પરિવાર હેઠળના ભૂતકાળના શાસન સાથે પણ કરી. “હું રાજ ઠાકરેનો આભાર માનું છું કે તેમણે મને બંને ભાઈઓના એક થવાનો શ્રેય આપ્યો, મને બાળાસાહેબ ઠાકરેના આશીર્વાદ મળી રહ્યા હશે,” તેમણે કહ્યું.
‘મુંબઈ મ્યુનિસિપલ કોર્પોરેશન ૨૫ વર્ષથી તેમના નિયંત્રણ હેઠળ હતું, છતાં કોઈ દેખીતું કામ થયું નથી‘
ફડણવીસે અગાઉના શાસનની ટીકા કરતા કહ્યું, “મુંબઈ મ્યુનિસિપલ કોર્પોરેશન ૨૫ વર્ષથી તેમના નિયંત્રણ હેઠળ હતું. છતાં, તેઓએ એવું કોઈ કામ કર્યું નથી જે બતાવી શકાય.” તેમણે વર્તમાન વહીવટ હેઠળ પ્રાપ્ત થયેલા પરિવર્તન પર ભાર મૂક્યો, ઉમેર્યું, “અમે પીએમ મોદીના નેતૃત્વમાં મુંબઈનો ચહેરો બદલી નાખ્યો. તેઓ મુંબઈ માટે કરેલા કામથી ઈર્ષ્યા કરે છે, પરંતુ જનતા બધું જાણે છે, અને દરેક વ્યક્તિ અમારી બાજુમાં છે.”
મરાઠી ગૌરવ અને સમાવેશી હિન્દુત્વ ફડણવીસના સંદેશનું કેન્દ્રબિંદુ
સાંસ્કૃતિક ઓળખ પર ભાર મૂકતા, ફડણવીસે કહ્યું, “અમે મરાઠી છીએ, અમને મરાઠી હોવાનો ગર્વ છે, અમને મરાઠી ભાષા પર ગર્વ છે, પરંતુ તે જ સમયે, અમે હિન્દુઓ પણ છીએ, અમારું હિન્દુત્વ બધાને સાથે લઈ જાય છે.” જાેકે, તેમણે તાજેતરની વિજય રેલીના સ્વરથી નિરાશા વ્યક્ત કરતા કહ્યું, “મને કહેવામાં આવ્યું હતું કે વિજય રેલી થશે, પરંતુ ‘રુદાલી‘ નું ભાષણ પણ હતું. મરાઠી વિશે એક પણ શબ્દ બોલવામાં આવ્યો ન હતો.”