બિહાર પોલીસે જણાવ્યું હતું કે, ગેરકાયદેસર રીતે દેશમાં રહેતા એક ઇરાકી નાગરિકને શનિવારે મોડી સાંજે બિહારના રક્સૌલ શહેરથી નેપાળમાં પ્રવેશવાનો પ્રયાસ કરતી વખતે ધરપકડ કરવામાં આવી હતી.
હરૈયા પોલીસ સ્ટેશનના સ્ટેશન હાઉસ ઓફિસર કિસન કુમાર પાસવાને જણાવ્યું હતું કે, બગદાદના અલ ડોરાના રહેવાસી બારા ફૌઝી હમીદ અલ બયાતી આ વર્ષે ૧૬ જૂનથી નવી દિલ્હી અને તેની આસપાસ ગેરકાયદેસર રીતે રહેતો હતો.
“તેની પાસે કોઈ માન્ય દસ્તાવેજાે ન હોવાનું જાણવા મળ્યું હતું અને તે સાઉદી અરેબિયા જવા માટે કાઠમંડુ પહોંચવાનો પ્રયાસ કરી રહ્યો હતો. આ મામલે વધુ તપાસ ચાલી રહી છે,” પાસવાને જણાવ્યું.
પોલીસ પૂછપરછ દરમિયાન, ઇરાકી નાગરિકે કહ્યું કે તે સાઉદી અરેબિયામાં એક એન્જિનિયર છે, પાસવાને ઉમેર્યું.
પૂર્વ ચંપારણ પોલીસે મિલિટરી ઇન્ટેલિજન્સ અને રિસર્ચ એન્ડ એનાલિસિસ વિંગ સહિત કેન્દ્રીય એજન્સીઓને જાણ કરી છે. ઇન્ટેલિજન્સ બ્યુરો ના અધિકારીઓ દ્વારા બયાતીની પણ પૂછપરછ કરવામાં આવી છે.
તાજેતરના મહિનાઓમાં પૂર્વ ચંપારણના રક્સૌલ શહેરમાં ધરપકડ કરાયેલ આ સાતમો વિદેશી નાગરિક છે – જેમાં પાંચ ચીની અને એક અમેરિકનનો સમાવેશ થાય છે.
૭ મેના રોજ, ચાર ચીની નાગરિકો – જેમની ઓળખ હી કિયાંગશેંગ, હુઆંગ લિમિન, લી યોંગહાઈ અને ડેંગ યિજુમ તરીકે થઈ હતી, જેઓ બધા ચીનના હુનાનના રહેવાસી છે – ની રક્સૌલમાં ધરપકડ કરવામાં આવી હતી. આ વર્ષે ૩ જૂનના રોજ હી ઝેશી તરીકે ઓળખાતા અન્ય એક ચીની નાગરિકની ધરપકડ કરવામાં આવી હતી. અગાઉ, ૨૫ એપ્રિલના રોજ રક્સૌલ શહેરમાં ભારતીય કસ્ટમ ઓફિસ નજીકથી ઈટાન બેન શહર તરીકે ઓળખાતા અમેરિકન નાગરિકની ધરપકડ કરવામાં આવી હતી.