ગુરુવારે સવારે હૈદરાબાદથી તિરુપતિ જતી સ્પાઇસજેટની ફ્લાઇટમાં ટેકનિકલ ખામી સર્જાઈ હતી, તેમ મીડિયા સૂત્રો એ જણાવ્યું હતું. ફ્લાઇટ SG 2696, જે સવારે ૬:૧૦ વાગ્યે ઉપડવાની હતી, તે સવારે ૬:૧૯ વાગ્યે ઉડાન ભરી હતી અને સવારે ૭:૪૦ વાગ્યે તિરુપતિમાં ઉતરવાની અપેક્ષા હતી. જાેકે, વિમાન પાછું વળી ગયું અને ટેકઓફ થયા પછી તરત જ રાજીવ ગાંધી આંતરરાષ્ટ્રીય એરપોર્ટ પર સુરક્ષિત રીતે ઉતરાણ કર્યું, એમ સૂત્રોએ ઉમેર્યું હતું.
સ્પાઇસજેટે એક નિવેદનમાં જણાવ્યું હતું કે હૈદરાબાદ-તિરુપતિ ફ્લાઇટ ચલાવતા ઊ૪૦૦ વિમાનમાં ટેકઓફ પછી છહ્લ્ બેગેજ ડોર લાઇટનો સમયાંતરે પ્રકાશ અનુભવાયો હતો અને કેબિન પ્રેશર સમગ્ર ફ્લાઇટ દરમિયાન સામાન્ય રહ્યું હતું. “સાવચેતીના પગલા તરીકે, પાઇલટ્સે હૈદરાબાદ પાછા ફરવાનો ર્નિણય લીધો. વિમાન સુરક્ષિત રીતે ઉતર્યું અને મુસાફરોને સામાન્ય રીતે વિમાનમાંથી ઉતારી દેવામાં આવ્યા,” તે જણાવે છે.
વિમાને ઇમરજન્સી લેન્ડિંગ કર્યું ન હતું. તિરુપતિ સુધી આગળની મુસાફરી માટે વૈકલ્પિક વિમાનની વ્યવસ્થા કરવામાં આવી છે, એમ તેણે ઉમેર્યું. એરલાઇને કેટલા મુસાફરો સવાર હતા તેની માહિતી આપી નથી.
ઇન્ડિગો દિલ્હી-લેહ ફ્લાઇટનું ઇમરજન્સી લેન્ડિંગ
એક અલગ ઘટનામાં, દિલ્હીથી લેહ જતી ઇન્ડિગો ફ્લાઇટ ૬ઈ ૨૦૦૬, ટેકનિકલ સમસ્યાને કારણે દિલ્હી પરત ફરી હતી. ક્રૂ મેમ્બર સહિત આશરે ૧૮૦ લોકો સાથેનું વિમાન લેહ નજીક પહોંચ્યા પછી પાછું વળવું પડ્યું અને ઇન્દિરા ગાંધી આંતરરાષ્ટ્રીય એરપોર્ટ પર સુરક્ષિત રીતે ઉતરાણ કર્યું.
ઇન્ડિગોએ એક નિવેદનમાં આ ઘટનાની પુષ્ટિ કરતા કહ્યું કે ટેકનિકલ સમસ્યાને કારણે વિમાનને લેહમાં ઉતરાણ કરવા માટે સંચાલન પ્રતિબંધોનો સામનો કરવો પડ્યો. “પ્રક્રિયાઓ મુજબ, પાઇલટ દિલ્હી પાછો ફર્યો. કામગીરી ફરી શરૂ કરતા પહેલા વિમાન જરૂરી જાળવણી હેઠળ છે,” એરલાઇને જણાવ્યું.
એરલાઇને એમ પણ ઉમેર્યું હતું કે, મુસાફરોને લેહ લઈ જવા માટે વૈકલ્પિક વિમાનની વ્યવસ્થા કરવામાં આવી છે, જેથી તેમની મુસાફરી યોજનાઓમાં ઓછામાં ઓછો વિક્ષેપ ન પડે.