ભારતના રાષ્ટ્રપતિ શ્રીમતી દ્રૌપદી મુર્મુ આજે નવી દિલ્હીમાં ફૂટવેર ડિઝાઇન અને ડેવલપમેન્ટ ઇન્સ્ટિટ્યૂટના દીક્ષાંત સમારોહમાં ઉપસ્થિત રહ્યાં હતાં.
આ અવસર પર પોતાના સંબોધનમાં રાષ્ટ્રપતિએ કહ્યું કે આજે ભારત ઝડપથી આર્ત્મનિભર બની રહ્યું છે અને વૈશ્વિક આર્થિક મંચ પર તેની આર્થિક ભૂમિકાને વધુ વધારવા માટે સક્ષમ છે. તેમને એ જાણીને આનંદ થયો કે વાણિજ્ય અને ઉદ્યોગ મંત્રાલયના ઉદ્યોગ અને આંતરિક વેપાર પ્રમોશન વિભાગે આર્ત્મનિભર ભારત અભિયાન હેઠળ ફૂટવેર ક્ષેત્રને “ચેમ્પિયન સેક્ટર” તરીકે નિયુક્ત કર્યું છે. તેમણે જણાવ્યું હતું કે સરકાર એક ઇકોસિસ્ટમ બનાવી રહી છે અને ફૂટવેર ક્ષેત્રમાં રોકાણને પ્રોત્સાહન આપવા માટે પ્રોત્સાહનો પ્રદાન કરી રહી છે.
રાષ્ટ્રપતિએ નોંધ્યું હતું કે ફૂટવેર ઉત્પાદન અને વપરાશના સંદર્ભમાં ભારત વિશ્વમાં બીજા ક્રમે છે. નાણાકીય વર્ષ ૨૦૨૪-૨૫ દરમિયાન, ભારતની ફૂટવેર નિકાસ ૨૫૦૦ મિલિયન યુએસ ડોલરથી થોડી વધારે હતી, જ્યારે આપણી ફૂટવેર આયાત આશરે ૬૮૦ મિલિયન યુએસ ડોલર હતી. તેથી, ભારતની ફૂટવેર નિકાસ આયાત કરતા લગભગ ચાર ગણી છે. તેમણે કહ્યું કે ભારત વિશ્વમાં ફૂટવેરનો અગ્રણી નિકાસકાર છે. જાેકે, આપણી નિકાસમાં વધુ વધારો કરવા માટે ફૂટવેર વ્યવસાયનો વિકાસ કરવાની જરૂર છે. અને આ વૃદ્ધિ વિદ્યાર્થીઓ માટે ઉદ્યોગસાહસિક બનવા અને નોકરીઓનું સર્જન કરવાની અથવા ઉદ્યોગોમાં રોજગાર શોધવાની તકોમાં વધારો કરશે.
હ્લડ્ઢડ્ઢૈં અને નોર્થમ્પ્ટન યુનિવર્સિટી વચ્ચે થયેલા સ્ર્ેં પર હસ્તાક્ષરથી રાષ્ટ્રપતિએ આનંદ વ્યક્ત કર્યો હોતો. તેમણે જણાવ્યું કે ભારત અને યુનાઇટેડ કિંગડમ વચ્ચે મુક્ત વેપાર કરાર હેઠળ આપણા સહયોગને વધુ ગાઢ બનાવવા માટે આ એક બીજું પગલું છે. તેમણે ભાર મૂક્યો કે આ સ્ર્ેં ટકાઉ સામગ્રી અને પરિપત્ર અર્થતંત્ર પ્રથાઓ પર ખાસ ભાર મૂકે છે. તેમણે કહ્યું કે આવા પ્રયાસો પર્યાવરણના રક્ષણ માટે બંને દેશોની પ્રતિબદ્ધતા દર્શાવે છે.
રાષ્ટ્રપતિએ નોંધ્યું કે ફૂટવેર ડિઝાઇનના ક્ષેત્રમાં ઘણા મહત્વપૂર્ણ પાસાઓ છે. તેમણે સ્નાતક વિદ્યાર્થીઓને તેમના કાર્યને સમાજ અને રાષ્ટ્રમાં વિવિધ રીતે યોગદાન આપશે તેવા વિશાળ દ્રષ્ટિકોણ સાથે તેમના ક્ષેત્રમાં આગળ વધવાની સલાહ આપી. તેમણે તેમને તેમની ફૂટવેર ડિઝાઇન દ્વારા લોકોના સ્વાસ્થ્ય અને કાર્યક્ષમતામાં સુધારો કરવા; તેમના કાર્ય દ્વારા રોજગારીનું સર્જન કરવા; વિકાસ યાત્રામાં પાછળ રહી ગયેલા લોકોને તેમના કાર્ય દ્વારા આર્થિક વિકાસમાં ભાગ લેવામાં મદદ કરવા; ભારતની નિકાસમાં યોગદાન આપીને આપણા અર્થતંત્રને મજબૂત બનાવવા; તેમના ગુણવત્તાયુક્ત ઉત્પાદનો દ્વારા વૈશ્વિક બજારમાં ભારતના બ્રાન્ડ એમ્બેસેડર બનવા; અને ‘આર્ત્મનિભર ભારત‘ના રાષ્ટ્રીય ધ્યેયમાં નોંધપાત્ર યોગદાન માટે અપીલ કરી.