દિલ્હી પોલીસે નરેલાના સિંઘુ બોર્ડર પરથી “ડ્રગ્સ લોર્ડ” તરીકે જાણીતા ૫૦ વર્ષીય વ્યક્તિની ધરપકડ કરી છે. એક પોલીસ અધિકારી જણાવ્યું હતું કે, “ડ્રગ્સ લોર્ડ”, જેની ઓળખ ધર્મવીર ઉર્ફે પલ્લા તરીકે થઈ છે, તે દિલ્હી અને રાજસ્થાન બંનેમાં પોલીસને વોન્ટેડ હતો.
“સોમવારે, ક્રાઈમ બ્રાન્ચની એક ટીમને ગુપ્ત માહિતી મળી હતી કે ધરમવીર નરેલામાં સિંઘુ બોર્ડર પર આવશે. છટકું ગોઠવવામાં આવ્યું હતું અને તેને પકડી લેવામાં આવ્યો હતો,” અધિકારીએ જણાવ્યું હતું.
પોલીસે જણાવ્યું હતું કે ધરમવીર, જેની ધરપકડ પર ?૧૦,૦૦૦ નું ઈનામ હતું, તે ૫૬૭ કિલોગ્રામ ગાંજાની જપ્તી સાથે સંકળાયેલા કેસમાં વોન્ટેડ હતો. તેમણે જણાવ્યું હતું કે તે અગાઉ ઘણા અન્ય ગુનાહિત કેસોમાં પણ સામેલ હતો.
અગાઉ ૨૬ જુલાઈ, ૨૦૨૪ ના રોજ, રાજસ્થાન પોલીસે લાલસોટ-કોટા મેગા હાઇવે પર રાવણજના ચૌરાહા ખાતે એક ચેકપોઇન્ટ સ્થાપી હતી.
ઓપરેશન દરમિયાન એક મીની ટ્રક અટકાવવામાં આવી હતી અને તેમાં માદક દ્રવ્યો ભરેલા મળી આવ્યા હતા. વાહનમાંથી અંદાજે ?૫૬ લાખની બજાર કિંમત ધરાવતો આશરે ૫૬૭ કિલોગ્રામ ગેરકાયદે ગાંજાે (ગાંજા) જપ્ત કરવામાં આવ્યો હતો.
ટ્રક ડ્રાઈવર સહિત પાંચ લોકોની ધરપકડ કરવામાં આવી હતી અને પૂછપરછ દરમિયાન ધરમવીરનું નામ મુખ્ય આરોપી તરીકે બહાર આવ્યું હતું.
આ મામલે પોલીસના જણાવ્યા અનુસાર, ધરમવીરનો જન્મ ૧૯૭૫માં દિલ્હીના ઇન્દરપુરીમાં થયો હતો. તેના પિતા ગેરકાયદેસર દારૂના વેપારમાં સામેલ હતા અને ધરમવીર પણ કૌટુંબિક વ્યવસાયમાં ભાગ લેતા હતા.
પોલીસે જણાવ્યું હતું કે ૧૯૯૪માં લગ્ન પછી ધરમવીર વિવિધ ગેરકાયદેસર પ્રવૃત્તિઓમાં સામેલ થયો અને દિલ્હીમાં ગાંજાે સપ્લાય કરવાનું શરૂ કર્યું. તેમણે પોતાના ગેરકાયદેસર કાર્યોને છુપાવવા માટે ઇન્દરપુરી વિસ્તારમાં કેબલનો વ્યવસાય શરૂ કર્યો હતો, એમ તેમણે જણાવ્યું હતું.
પોલીસે જણાવ્યું હતું કે તેના વ્યાપક નેટવર્કને કારણે, તે અન્ય દાણચોરોમાં “ડ્રગ લોર્ડ” તરીકે જાણીતો બન્યો હતો. તેમણે જણાવ્યું હતું કે દક્ષિણ ભારતથી દિલ્હીમાં પ્રતિબંધિત વસ્તુઓની દાણચોરી કરતો ધરમવીર અનેક વખત ધરપકડ કરવામાં આવી હતી, એમ તેમણે જણાવ્યું હતું.