એક મહત્વપૂર્ણ સમાચાર મુજબ, ભારતના સ્ટાર બેટર રિંકુ સિંહ સમાજવાદી પાર્ટીના સાંસદ પ્રિયા સરોજ સાથે લગ્ન કરવા જઈ રહ્યા છે. આ બંને ૪ ડિસેમ્બરે લખનૌની રામાડા હોટેલમાં લગ્નના બંધનમાં બંધાશે. નોંધનીય છે કે આ જાેડીની સગાઈ ૮ જૂન, ૨૦૨૫ના રોજ થઈ હતી અને ત્યારથી જ રિંકુ સિંહ ચર્ચામાં રહ્યા છે.
તેમની સગાઈ પણ લખનૌમાં જ થઈ હતી. આ સમારોહમાં રાજીવ શુક્લા અને પીયૂષ ચાવલા સહિત અનેક દિગ્ગજ હસ્તીઓ હાજર રહી હતી. ઉલ્લેખનીય છે કે લગ્ન મૂળભૂત રીતે જૂન ૨૦૨૬માં યોજાવાના હતા, પરંતુ રિંકુ સિંહના પિતાના અવસાનને કારણે તેને મુલતવી રાખવા પડ્યા હતા.
રિંકુના પિતાનું કેન્સરને કારણે અવસાન થયું હતું અને બંને પરિવારોની સંમતિથી લગ્ન મુલતવી રાખવામાં આવ્યા હતા; હવે નવી તારીખ ડિસેમ્બર નક્કી કરવામાં આવી છે. સગાઈ સમારોહની જેમ જ, લગ્ન પ્રસંગે પણ ફરી એકવાર ઘણી જાણીતી હસ્તીઓ હાજરી આપે તેવી અપેક્ષા છે.